fbpx
التدريب المهني Ausbildung 2020

كل ما يخص التدريب المهني Ausbildung 2020

موضوع التدريب المهني *Ausbildung* ناس كتير سألتني فيه بس قلت اعمله بوست مخصوص لانه طويل و مهم و ميحصلش لخبطه بينه و بين موضوع الكليه

اول حاجه ايه هو *Ausbildung* :

اول حاجه كلمه Ausbildung معناها تعليم يعني بيبقي فيه جزء عملي و جزء نظري
اول سنه تقريبا 3 ايام ف الشركه او المصنع او الورشه اللي هتعمل فيها الجزء العملي بتاعك و يومين دراسه
و من تاني سنه بيبقي 4 ايام عملي و يوم نظري ( و ساعات بيبقي فيه اسبوع او اسبوعين ورا بعض دراسه بدل العملي ع حسب جدول ال Ausbildung بتاعك)
الموضوع بيعتمد برده ع شويه مذاكره ف البيت

* مميزات ال *Ausbildung*:

– انك بتاخد راتب اثناء الدراسه من الشركه اللي بتعمل فيها ال Ausbildung بتاعك
– و لو ف مجال زي ال IT مثلا بتاخد راتي كويس جدا بالنسبه ل شخص بيدرب
– بتخلص الدراسه بيبقي معاك شهاده انك اتعلمت حاجه نظري و ع فكره النظري بتاعها كويس جدا و تعليم ممتاز مش وحش زي ما بعض الناس فاكره
– هتتخرج هيكون معاك كمان خبره عمليه و دي ف بعض المجالات بتبقي مهمه جدا
* و بالنسبه ل موضوع السفاره انا سالت و حد من DAAD ادالي الاجابه دي ف مش اكيده بصراحه و لكنها منطقيه و انا مقتنع بيها .. ان لو جالك عقد ب مرتب يغطي مصاريفك من ال Ausbildung “مش هتحتاج حساب بنكي” و برده ان لو جالك قبول ل مقابله هتسهلك ان تاخد فيزا بحث عن عمل انما لو عرفت تاخد العقد ع طول من الشركه اعتقد كده يبقي الموضوع خلص لان انت هيبقي فيه عقد ف ايدك مش لسه رايح علشان مقابله و كده يعني
 

* اكتر المجالات المطلوبة ..

– الميكانيكا و بيجيلك كمان فرص ف توكيلات كبيرة .. انا شخصيا جاتلي الفرصه اني اعمل Ausbildung ف توكيل KIA و توكيل Mercedes
– و مجال ال Altenpflege اللي هو رعايه المسنين و مرتباتهم عالية جدا
– و فيه برده مجالات تانيه كتير بس انا بكلمكم عن الحاجه اللي باخد بالي منها كل يوم يعني.
*طب دلوقتي لو شايف الكلام تمام و عاوز تقدم تعمل ايه؟؟
– اول حاجه انتوا محتاجين تعملوا CV و ال CV الالماني بيبقي مختلف شويه و هكتبلكوا هنا الموقع اللي تعملوا من عليه ال CV بالشكل المطلوب
https://lebenslauf.com/
و ياريت اي حاجه تكتبوها تبقي الماني علشان ميجيش رفض
– تاني حاجه محتاجين تعملوا حاجه اسمها Anschreiben اللي هو يعني يسعدني اني اقدم عندكم و السبب و الكلام الفاضي ده و هبعتلكم لينك فيه مثال لل Anschreiben ده علشان تكتبوه
 
– دلوقتي معدتش ناقص غير الشهادات بتاعتكم سواء شهاده ثانويه او شهاده خبره او ايا كان .. هتترجموها بس مش لازم توثقوها هترجموها بس .. و تعملولها Scan و تبعتوا كل الكلام ده ف ايميل للشركه …. و يا يبعتوا رفض يا اما ف الاغلب هيبعتولكوا يقولوا ان احنا عاوزين نعمل معاكوا مقابله مثلا و دي يعتبر نص الموافقه .. هيبقي صعب انهم يبعتولكوا العقد ع طول بس ممكن تحاولوا معاهم برده .. و لو رفضوا حوار العقد اهو ع الاقل هيبقوا معاكوا ورقه ان عندكم معاد مقابله شغل ف المانيا ممكن تقدموها ف السفاره و تقولوا احنا عاوزين فيزا بحث عن عمل.
 
*اخر حاجه باه الايميلات او الشركات اللي هابعتولها هتلاقوها فين ؟؟
هبعتلكم موقع
– اول خانه .. تختاروا فيها Ausbildung
– و تاني خانه .. تختاروا فيها المجال او التخصص اللي عايزين تعملوا فيه Ausbildung
https://jobboerse.arbeitsagentur.de/
 
– تصحيح موضوع اللغة الشركه هي اللي تقرره .. ممكن واحده تقول مش عايزة لغه و واحده تقولك عايزة B1 او اي مستوي تاني هي الشركه هي اللي تتشرط و بالنسبة للشهادات مفيش شهادات معينة لازم تقدمها .. انت بتقدم و الشركه هي اللي تقرر انا هاخده و لا لأ
و يا رب اكون افدتكم و لو فيه حاجه مش واضحه انا تحت امركم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.