معلومات سريعة عن ولاية كاليفورنيا California

معلومات سريعة عن ولاية كاليفورنيا California

معلومات عن ولاية كاليفورنيا California ولاية كاليفورنيا اني رايحة زايرتها فوك ال٤ مرات.. 
اني شخصياً كلش احب الولاية ، جوها كلش كلش حلو صيف وشتاء ، كومة بيها نشاطات و شغلات الواحد يسويها ، و بيها مطاعم عربية هواية👌🏻
————
قبل منبدي بالموضوع اكو بكاليفورنيا مطعم اسمه العزائم: الاكل بيه كلش طيب الصراحة و ازدحام دائماً ، بس اللي يشتغلون بيه كلش Passive Aggressive ومعصبين و ميسوون Customer service زينة كلش.. 😂احب اكوللهم زيدوا عدد العمال وكونوا لطفاء حتى الناس يرجعولكم😂
———-
الايجابيات:
-جوها دافي بالشتاء ، معتدل بالصيف.
-اشكال وانواع المطاعم اللي مو عربية و عربية و كلشي اكو هناك.
-مدارس اكو كلش زينة ، و يطلعون كلش ناس شطار بالعادة ..
-شواطئ و بحر واجواء حلوة بايسكلات و غيره. Jetski , skydiving الخ.
———-
الشغل :
-منافسة قوية على الشغل ، لازم واحد عنده مميزات و لغة قوية + شهادة زينة حتى يشتغل بمكان زين براتب زين .
-اكو شغل بسيط ك عمال و حراس و غيره بس الفكرة انه الراتب ميسد العيشة بهاي الولاية هواية من اصحاب المهن البسيطة يشتغلون شغلتين و ٣ حتى يسدون مصاريف العيشة.
———
سلبياتها:
-كلش غالية ..
الايجارات لشقة بمناطق تعبانة بحدود الفين دولار.. وبمناطق زينة ممكن توصل ل ٣٥٠٠ دولار على حسب المنطقة. البيوت الشراء اسعارها بحدود ٥٠٠ الف دولار (نص مليون دولار ) و كلش عادي البيوت بكاليفورنيا تكون بمليون دولار او غيره.
-الشوارع والHighways مو احسن شي بامريكا و السواق ابد مينطون مجال كلش عنيفين و مستعجلين.
-بالهاي وي الLane على غفلة يصير Exit و هاي بس اللي سايق هناك يعرف عن شنو احجي.. ف لازم واحد مركز و يعرف الطريق ..
———-
الجامعات:
جامعات كلش مرموقة، و تقريباً اغلب الاختصاصات بيها ، بس عليها منافسة مخيفة لان هواية سكانها و هواية طلاب يريدون يجون يعيشون على البحر و غيره ف تزيد المنافسة.
—————
بيها عرب هواية و عراقيين و كلدان .. واكو حفلات و سهرات و غيره.
بيها مدن مثل
San Diego جزء منها الكاهون اللي هي منطقة العراقيين.. الجو طيب ، Beaches
‏Los Angles افشل مدينة الصراحة لان الطريق ازدحام ، هوملس كلش هواية بالشارع . بس همين بيها اماكن حلوة للونسة.
——-
اللي يريد يتونس كلشي اكو هناك يروح يزورها ، من وجهة نظري اذا واحد دخله مو ثابت وقوي ميروح يعيش بكاليفورنيا.
يعني الراتب مو راتب شخص عامل او يشتغل شغل بسيط ..من وجهة نظري حتى واحد يتونس لازم يكون عنده شغل بشهادة.
——-
منو رايح كاليفورنيا؟ شنو اماكن حلوة هناك؟ منو عايش
هناك؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.