fbpx
us visa

تجربتي في سفارة امريكا تأشيره سياحة B1/B2

الهدف من البوست دا اني افيد غيري من تجربتي زي ما انا استفدت من تجارب غيري

تحياتي لحضراتكم اي حاجه هقولها انهارده هي تجربه شخصيه واستنتاج شخصي بحت

وانا اسف هطول شويه في البوست

قبل اي حاجه شكر خااااااص لاستاذ ابراهيم محمد ومدام سلوي لاني استفسرت منهم علي حاجتين مهمين هنعرفهم كمان شويه وكانوا معايا في منتهي التعاون ومنتهي حسن النيه تحياتي

اولاً:
انا فعلاً مسافر سياحه ودي بتخلي الواحد يمون هادي اكتر ومش ناوي اخلع ومانصحش حد يعمل كدا 
ثانيا:
انا اللي عملت الابلكيشن لنفسي ودا من خلال فيديوهات كتير علي اليوتيوب اهمهم فيديو استاذ ابراهيم طبعا ودا في فيديوهات تشرحه افضل مني بكتير اللي هو DS160 ومتهيالي اينه كدا علشان بندفع 160 دورلا في البنك 
اهم حاجه يا جماعه احفظ كل حرف في الابلكيشن واملي الابلكيش بمعلمه بمعني جاوب علي اللي هو عايز يعرفه او مستني يعرفه وبصرااااااحه 
يعني خطه سفر ورقم رحله اسم الفندق اللي هتنزل فيه عنوانه وارقام تليفوناته وايميله كل مع علي بوكنج الابلكيشن هيبان في الاول صعب وكتير واحده واحده هتعرف انه سهل جدااااااً بس السهل الممتنع 😉 وبعد كدا تحدد ميعاد مناسب ليك ويفضل يكون بدري

ثالثا: 
حالتي الشخصيه
اول مره اقدم لامريكا 
الحاله الاجتماعيه متزوج من 2011ولدي تؤام
المهنه مدير وشريك في شركه استيراد وتصديرمن 2011
السن 36 عام

الترافل هيستوري بتاعي 
المغرب 10 مرات 
الصين 5 مرات 
تايلاند مره 
تونس مره

طبعا قبل ما نقول علي مجريات المقابله لازم تعرفوا اني قعدت احضر للمقابله وللتجهيز للفيزا حوالي ست شهور بتفرج علي فيديوهات وبشوف بوستات زميلي اللي قدموا واتقبلوا الحمد لله واللي اترفضوا وباذن الله ربنا يكرمهم بالخير
عرفت اغلب الاسئله وبرضوا اغلب الاجابات ومهما برضوا شوفت فيديوهات وحاجات وقريت كتير عن المقابله وعن طريقه الكلام والنظره في عين القنصل اقدم الورق ولا استني يطلبه وحتي اللبس اللي هلبسه
بصوا هي ليها رهبه كدا لازم تحس بيها حتي لو انت عندك ثبات انفعالي ممتاز وعلي فكره اكتر حاجه فعلاً لازم نعملها انك تبقي رايح وحاطط اسواء الظروف وهو انك مش هتاخدها انهارده وانك هتحاول تاني

انا كنت مركز في كدا اني مش هاخدها انهارده واني هقدم تاني بعد سنه علشان اولاً ابقي مؤهل لو جهه رفض ثانياً علشان ابقي هااااادي جدا في المقابله وماخدش اي صدمه او حاجه تزعلك الرفض في حد ذاته وحش ويحسسك انك مش كامل 
او تحس بالظلم وخصوصا لو ورقك فعلاً سليم وفعلاً رايح سياحه المهم ماطولش عليكوا

كنت رايح واكتر حاجه مش قادر افهما ونفسي اعرفها النتيجه بتبقي معروفه من الابلكيشن ولا المقابله هي اللي بتحدد ودا الحمد لله قدرت اعرفه من خلال مقابلتي الشخصيه هقوله في الاخر

مقابلتي كانت يوم الاثنين 11/3/2019
الساعه 7:30
اول مره اروح طبعا السفاره صحيت الفجر لبست لبس رياضي ڤيست وتي شيرت نص كم وهكذا وكنت قاصد البس كدا
شغلت الچي بي اس وتوكلت علي الله بعد الفجر مباشراً
طبعا وصلت بدري جدا جدا خدت جوله حولين السفاره علي رجلي وسألت الامن قالولي من 7 هتبدأ السفاره وبعد كدا قعدت مستني اتفرج علي فيديوهات وبوستات ومواقف الزملا مراجعه نهائيه يعني

هوب الساعه جت سبعه اتحركت روحت علي بوابه شاف الورق قالي اتفضل اخر الشارع ع اليمين قولتله شارع ؟؟؟ هو انا مش داخل سفاره قالي لا اخر الشارع 
طلع ان السفاره متحوطه تحويطه جامده امنياً
المهم روحت لاقيت طابور من حوالي 15 فرد وفي في الناحيه التانيه طابور تاني طابور السياحه لوحده وطابور الهجر والجرين ولم الشمل واي حاجه تانيه لوحده 
شويه وجهه راجل امن مصري نبهه علي اني اللي واقف ميعاد 7:30 فقط واالي غير كدا يطع بره الصف ويرجع ورا واللي واقف يحضر ورقه الكونفرميشن نمبر وورقه تحديد الميعاد وصوره 5*5 (ولو الصوره مش بنفس المقابس ماتخفش في تصوير جوه السفا ه ست صور ب 50 جنيه)
ونبهه كتيييييير علي الممنوعات 
لاب توب 
فلاشه 
ولاعه 
بور بنك 
في واحد علي الصف التاني بعتبر امانات لو معاك حاجه هتسيب عتده الحاجات دي برقم وبمبلغ حوالي 25 جنيه 
طبعا انا كنت سايب كل حاجه في العربيه ودا من خلال خبرتي في البوستات والتعليقات للناس اللي قدمت قبلي ودا علشان ماشغلش نفسي بحاجه غير المقابله وبس 
المهم شويه وجهه واحد تاني امن برضوا وقال نفس الكلام الي قاله زميله 
وشويه وجهه واحد تالت وقال نفس الكلام اللي قبل كدا ودا كان اخر واحد وبدأ يشوف ورق كل واحد ويتأكد ان فعلاً ميعاده 7:30 
👍ملحوظه :المعامله هناك في منتهي منتهي الذوق والاحترام والاحترافيه👍
ويمضي علي الورقه بتاعت الكوفنفرميشن نمبر
وتروح لواحد تاني يدخلك من باب صغير كدا انت اول لما تدخل انت كدا جوه السفاره فعلياً 
هتلاقي بنتين يستلموا منك كل حاجه وينبهوا عليك لو معاك تليفون تقفله وتسلمه ولو لابس ڤيست او چاكيت هتقلعه وتعدي كل حاجات واي حاجه في جيبك قلم ساعه دبله حزام من الجهاز بتاع الماسح اللي موجود في المطارات 
تعدي تنزل سلم وتخش باب هتلاقي طابور تاني وانسه بتستلم منك الجواز وورقه الكونفرميشن فقط وتتديك رقم وتلزق علي الجواز نفس الرقم انا رقمي كان 10 ولو مافيش صوره هتتصور جنبها وتقعد تنتظر بقي يندهوا علي رقمك 
دخلت مكان حوالي 100 متر كلهم كراسي وعلي اليمين شبابيك من 1ل8
شويه بدأت الشاشه تشتغل وبدأت الارقام يتندهه عليها كان في فئتين من الارقام ارقام من 500 وارقام من 1 بدأوا يندهوا ارقام ال 500 ورقم الشباك اللي الرقم هيروح عليه دول كلهم اغلبهم كانوا أسر وكانت المقابله بتاعتهم علي الشبابيك دي مسموعه ليا لاني كنت قاعد جنب الشبابيك دي وكانوا بعد مابيخلصوا بيروحوا شباك اربعه يدفعوا وبعد كدا كان ا بيستنوا مقابله كمان 
شويه وبدأو يندهوا ارقام من واحد لما فوق اللي هي سياحه ودا بيكون اول تعامل مع الشبابيك

خلال الفتره بتاعت الانتظار دي ظبط ورقي في فيلات شفافه وظبطها بطريقه معينه كل حاجه لوحدها وبترتيب معين من المهم للأهم 
تبان مش مقصوده لكن انا كنت قاصد انها تبان للقنصل ويطلب يشوفها من غير ما انا اقدمها

ندهوا عليا روحت شباك 8 بتسلم الحواز وورقه الكونفرميشن نمبر وتقعد شويه وندهوا عليا تاني شباك رقم 7 ودا اللي هتعنل فيه بصمه الصوابع 
بعديها بعشر دقايق بدأو يندهوا علي الارقام من الاول تاني للمقابلات ود من شباك 9 لشباك 15
رقم عشره 10 شباك رقم عشره 10

القنصل امريكي 
شاب تلاتيني

ماسألنيش عربي ولا انجلش

القنصل :صباح الخير عربي

انا صباح الخير

القنصل :بصلي بصه عامه كدا ولمح الجواز القديم بتاعي كنت محضره اول حاجه مع السجل التجاري وكارت المحلات بتاعتي

القنصل :ممكن الباسبور

انا :اتفضل

القنصل :وممكن دا كمان الجواز القديم 
قعد يفر فيه شويه

القنصل :رايح فين في امريكا

انا: رايح نيويورك

القنصل :شغال ايه

انا :مدير وشريك في شركه ليها تلات فروع في مصر 
القنصل: ممكن الكارت(كارت الشركه كنت حاطه في الاول مع الجواز القديم) 
تجربتي في سفاره امريكا
تأشيره سياحه B1/B2

الهدف من البوست دا اني افيد غيري من تجربتي زي ما انا استفدت من تجارب غيري

تحياتي لحضراتكم اي حاجه هقولها انهارده هي تجربه شخصيه واستنتاج شخصي بحت

وانا اسف هطول شويه في البوست

قبل اي حاجه شكر خااااااص لاستاذ ابراهيم محمد ومدام سلوي لاني استفسرت منهم علي حاجتين مهمين هنعرفهم كمان شويه وكانوا معايا في منتهي التعاون ومنتهي حسن النيه تحياتي

اولاً:
انا فعلاً مسافر سياحه ودي بتخلي الواحد يمون هادي اكتر ومش ناوي اخلع ومانصحش حد يعمل كدا 
ثانيا:
انا اللي عملت الابلكيشن لنفسي ودا من خلال فيديوهات كتير علي اليوتيوب اهمهم فيديو استاذ ابراهيم طبعا ودا في فيديوهات تشرحه افضل مني بكتير اللي هو DS160 ومتهيالي اينه كدا علشان بندفع 160 دورلا في البنك 
اهم حاجه يا جماعه احفظ كل حرف في الابلكيشن واملي الابلكيش بمعلمه بمعني جاوب علي اللي هو عايز يعرفه او مستني يعرفه وبصرااااااحه 
يعني خطه سفر ورقم رحله اسم الفندق اللي هتنزل فيه عنوانه وارقام تليفوناته وايميله كل مع علي بوكنج الابلكيشن هيبان في الاول صعب وكتير واحده واحده هتعرف انه سهل جدااااااً بس السهل الممتنع 😉 وبعد كدا تحدد ميعاد مناسب ليك ويفضل يكون بدري

ثالثا: 
حالتي الشخصيه
اول مره اقدم لامريكا 
الحاله الاجتماعيه متزوج من 2011ولدي تؤام
المهنه مدير وشريك في شركه استيراد وتصديرمن 2011
السن 36 عام

الترافل هيستوري بتاعي 
المغرب 10 مرات 
الصين 5 مرات 
تايلاند مره 
تونس مره

طبعا قبل ما نقول علي مجريات المقابله لازم تعرفوا اني قعدت احضر للمقابله وللتجهيز للفيزا حوالي ست شهور بتفرج علي فيديوهات وبشوف بوستات زميلي اللي قدموا واتقبلوا الحمد لله واللي اترفضوا وباذن الله ربنا يكرمهم بالخير
عرفت اغلب الاسئله وبرضوا اغلب الاجابات ومهما برضوا شوفت فيديوهات وحاجات وقريت كتير عن المقابله وعن طريقه الكلام والنظره في عين القنصل اقدم الورق ولا استني يطلبه وحتي اللبس اللي هلبسه 
بصوا هي ليها رهبه كدا لازم تحس بيها حتي لو انت عندك ثبات انفعالي ممتاز وعلي فكره اكتر حاجه فعلاً لازم نعملها انك تبقي رايح وحاطط اسواء الظروف وهو انك مش هتاخدها انهارده وانك هتحاول تاني

انا كنت مركز في كدا اني مش هاخدها انهارده واني هقدم تاني بعد سنه علشان اولاً ابقي مؤهل لو جهه رفض ثانياً علشان ابقي هااااادي جدا في المقابله وماخدش اي صدمه او حاجه تزعلك الرفض في حد ذاته وحش ويحسسك انك مش كامل 
او تحس بالظلم وخصوصا لو ورقك فعلاً سليم وفعلاً رايح سياحه المهم ماطولش عليكوا

كنت رايح واكتر حاجه مش قادر افهما ونفسي اعرفها النتيجه بتبقي معروفه من الابلكيشن ولا المقابله هي اللي بتحدد ودا الحمد لله قدرت اعرفه من خلال مقابلتي الشخصيه هقوله في الاخر

مقابلتي كانت يوم الاثنين 11/3/2019
الساعه 7:30
اول مره اروح طبعا السفاره صحيت الفجر لبست لبس رياضي ڤيست وتي شيرت نص كم وهكذا وكنت قاصد البس كدا 
شغلت الچي بي اس وتوكلت علي الله بعد الفجر مباشراً
طبعا وصلت بدري جدا جدا خدت جوله حولين السفاره علي رجلي وسألت الامن قالولي من 7 هتبدأ السفاره وبعد كدا قعدت مستني اتفرج علي فيديوهات وبوستات ومواقف الزملا مراجعه نهائيه يعني

us visa

us visa

هوب الساعه جت سبعه اتحركت روحت علي بوابه شاف الورق قالي اتفضل اخر الشارع ع اليمين قولتله شارع ؟؟؟ هو انا مش داخل سفاره قالي لا اخر الشارع 
طلع ان السفاره متحوطه تحويطه جامده امنياً
المهم روحت لاقيت طابور من حوالي 15 فرد وفي في الناحيه التانيه طابور تاني طابور السياحه لوحده وطابور الهجر والجرين ولم الشمل واي حاجه تانيه لوحده 
شويه وجهه راجل امن مصري نبهه علي اني اللي واقف ميعاد 7:30 فقط واالي غير كدا يطع بره الصف ويرجع ورا واللي واقف يحضر ورقه الكونفرميشن نمبر وورقه تحديد الميعاد وصوره 5*5 (ولو الصوره مش بنفس المقابس ماتخفش في تصوير جوه السفا ه ست صور ب 50 جنيه)
ونبهه كتيييييير علي الممنوعات 
لاب توب 
فلاشه 
ولاعه 
بور بنك 
في واحد علي الصف التاني بعتبر امانات لو معاك حاجه هتسيب عتده الحاجات دي برقم وبمبلغ حوالي 25 جنيه 
طبعا انا كنت سايب كل حاجه في العربيه ودا من خلال خبرتي في البوستات والتعليقات للناس اللي قدمت قبلي ودا علشان ماشغلش نفسي بحاجه غير المقابله وبس 
المهم شويه وجهه واحد تاني امن برضوا وقال نفس الكلام الي قاله زميله 
وشويه وجهه واحد تالت وقال نفس الكلام اللي قبل كدا ودا كان اخر واحد وبدأ يشوف ورق كل واحد ويتأكد ان فعلاً ميعاده 7:30 
👍ملحوظه :المعامله هناك في منتهي منتهي الذوق والاحترام والاحترافيه👍
ويمضي علي الورقه بتاعت الكوفنفرميشن نمبر
وتروح لواحد تاني يدخلك من باب صغير كدا انت اول لما تدخل انت كدا جوه السفاره فعلياً 
هتلاقي بنتين يستلموا منك كل حاجه وينبهوا عليك لو معاك تليفون تقفله وتسلمه ولو لابس ڤيست او چاكيت هتقلعه وتعدي كل حاجات واي حاجه في جيبك قلم ساعه دبله حزام من الجهاز بتاع الماسح اللي موجود في المطارات 
تعدي تنزل سلم وتخش باب هتلاقي طابور تاني وانسه بتستلم منك الجواز وورقه الكونفرميشن فقط وتتديك رقم وتلزق علي الجواز نفس الرقم انا رقمي كان 10 ولو مافيش صوره هتتصور جنبها وتقعد تنتظر بقي يندهوا علي رقمك 
دخلت مكان حوالي 100 متر كلهم كراسي وعلي اليمين شبابيك من 1ل8
شويه بدأت الشاشه تشتغل وبدأت الارقام يتندهه عليها كان في فئتين من الارقام ارقام من 500 وارقام من 1 بدأوا يندهوا ارقام ال 500 ورقم الشباك اللي الرقم هيروح عليه دول كلهم اغلبهم كانوا أسر وكانت المقابله بتاعتهم علي الشبابيك دي مسموعه ليا لاني كنت قاعد جنب الشبابيك دي وكانوا بعد مابيخلصوا بيروحوا شباك اربعه يدفعوا وبعد كدا كان ا بيستنوا مقابله كمان 
شويه وبدأو يندهوا ارقام من واحد لما فوق اللي هي سياحه ودا بيكون اول تعامل مع الشبابيك

خلال الفتره بتاعت الانتظار دي ظبط ورقي في فيلات شفافه وظبطها بطريقه معينه كل حاجه لوحدها وبترتيب معين من المهم للأهم 
تبان مش مقصوده لكن انا كنت قاصد انها تبان للقنصل ويطلب يشوفها من غير ما انا اقدمها

ندهوا عليا روحت شباك 8 بتسلم الحواز وورقه الكونفرميشن نمبر وتقعد شويه وندهوا عليا تاني شباك رقم 7 ودا اللي هتعنل فيه بصمه الصوابع 
بعديها بعشر دقايق بدأو يندهوا علي الارقام من الاول تاني للمقابلات ود من شباك 9 لشباك 15
رقم عشره 10 شباك رقم عشره 10

القنصل امريكي 
شاب تلاتيني 
ماسألنيش عربي ولا انجلش

القنصل :صباح الخير بالعربي

انا صباح الخير

القنصل :بصلي بصه عامه كدا ولمح الجواز القديم بتاعي كنت محضره اول حاجه مع السجل التجاري وكارت المحلات بتاعتي

القنصل :ممكن الباسبور

انا :اتفضل

القنصل :وممكن دا كمان الجواز القديم 
قعد يفر فيه شويه

القنصل :رايح فين في امريكا

انا: رايح نيويورك

القنصل :شغال ايه

انا :مدير وشريك في شركه ليها تلات فروع في مصر 
القنصل: ممكن الكارت(كارت الشركه كنت حاطه في الاول مع الجواز القديم) 
يفضل ماتخليش حاجه بينك وبين القنصل خلي الورق علي يمينك واللي يطلب يشوفه وبعد مايشوفه تحطه علي شمالك

انا :اتفضل

القنصل :المحلات دي مشهوره

انا :ممكن حضرتك بضغطه ع الفيس تظهرلك الفروع حالاً وتشوفها بضحكه مني 😁

القنصل :وااااااو

القنصل: عندك كام موظف

انا : سبعه اتنين في كل فرع وواحد چوكر 
بدأت ارتاح نسبيا كل لما يزود في الاسئله ودا برضوا عرفته منكم انه كل لما الاسئله تزيد يبقي نسبه القبول هتزيد

القنصل:معاك كشف حساب

انا : حضرتك عايز الشخصي ولا الشركه ؟؟؟؟

القنصل : الاتنين

انا: اتفضل الشخصي بص فيه ماشفش اخر ورقه اللي هي الرصيد دقق في الحركه جامد

القنصل : الشركه

انا : اتفضل وبرضوا بص في الحركه ماشفش الرصيد خاااالص

القنصل والدك شغال ايه 😯😯😯😯
اوباااااا هنا بقي قولت خلاص كدا احلي رفض

انا : متوفي

القنصل : اوووووه سوري

القنصل : كان شغال ايه

انا :كان في جامعه الازهر قسم اللغات والترجمه 
انا قولت خلاص كلمه الازهر دي هترخم عليا
ازهر بقي وكدا واسلاموفوبيا مع ( ودي بقي نصيحه مدام سلوي معانا في الجروب ربنا يكرمها بالخير قالتلي اوعي تكذب في اي حاجه الابلكيشن والمقابله حتي لو حاجه سلبيه اوعي تكدب

القنصل : مش غريبه انك صاحب شركه ومرتبك قليل شويه

هنا بقي الباشا بيحاول يوقعني لاني في الابلكيشن ماكتبتش اي مرتب سبتها فاضيه (ودي بقي نصيحه استاذ ابراهيم ادمن الصفحه ربنا يجعل كله اللي بيعمله في ميزان حسناته قالي صاحب شركه اوعي تكتب مرتب انت صاحب شركه ازاي تاخد مرتب لاني اتصلت بيه في مره وانا بكتب الابلكيشن اسئله اكتب مرتب كام كصاحب شركه)

انا : انا ماقولتلوش انا ماكتبتش كدا في الابلكيش انا قولتله اللي هوا عايز يسمعه قولتله انا مابخدش مرتب انا باخد ارباح ربع سنويه من التلات فروع والارباح دي لاتقل عن 35000 ولاتزيد عن 55000 حسب الشغل وظروفه

القنصل :لف جاب ورقه خضرا مبروك انا موافق اديك الفيزا خمس ايام وتوصلك باي

انا : باي

الخميس جاتلي رساله من ارامكس ان الجواز عندهم ورحت استلمته بالتأشيره الحمد لله

تحليلي بقي الشخصي الشخصي الشخصي 
ولحالتي انا بس بس بس

انا متوافق عليا من قبل ماروح المقابله

☘️بنسبه 70% ابلكيشن(متجوز /عندك اطفال /سنك /وظيفتك /تاريخ نشاطك /مرتبك /عنوان سكنك /الترافيل هيستوري/مالكش حد في امريكا درجه اولي )كل دا معلومات من الابلكيشن

☘️وال30% كانت مع القنصل

☘️الابلكيشن مهم مهم مهم كل حرف فيه مهم جدا 
انا كتبت كل حاجه بصراحه حتي قولت ان ليا اسم بروفيشنال ودراستي وشغلي السابق ومواعيد الطيران وارقام الرحلات كل حاجه كل حاجه بصرااااحه

☘️كشف الحساب حركه وليس رصيد 
يعني ادفع بنزينه من الفيزا 
اعمل مشتريات من سوبر ماركت من صيدليه من اي حته بالفيزا 
اعمل حركه كتير مش مهم المبلغ يبقي كبير كمان في الحساب المهم يكون في حركه كتييييير

☘️البس اللي انت عايزه ماعدا الكابات علشان يبقي شايفك بوضوح 
اهم حاجه تكون هااااادي

☘️لو طول معاك في الاسئله والمقابله يبقي عايزك تساعده يوافقلك ع الفيزا

☘️الرد علي قد السؤال فقط فقط فقط 
هتتكلم كتير هتغلط كتير

☘️ماتدلوش ورق الا لما يطلب منك

☘️رتب ورقك بطريقه سهله انك تقدر توصل لاي ورقه يطلبها بسرعه دي فيها نوع من ان انواع الثقه

☘️اغلب الوقت القنصل باسسب علي الشاشه ومش باصصلك الا لما يوجهلك السؤال التالي

☘️الناس دي لو خدنا منها كل حاجه عندهم كل حاجه علشان نتقدم زيهم وسبنلهم حاجه واحده اللي هي ( النظام ) هيرجعوا زي الاول واقوي كمان

☘️السفاره كانت زحمه جداااااااااااااا
بس النظام بتاعهم رهيب الواحد مابيخدش جوه السفاره نص ساعه من الاول للاخر

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.