fbpx
تجربتي من A1 حتى Gleichwertigkeit في المانيا

تجربتي من A1 حتى Gleichwertigkeit في المانيا

انقل لكم في هذا المقال , تجربتي في المعادلة الشهادة في المانيا والعمل في المانيا لكي تكون دليل إثبات عن قدرة أي شاب لتحقيق احلامه في ألمانيا ودليل عن عدم حاجتكم لأي مكتب وسيط في طريق رحلتك الى المانيا . 

  • انا خريج دفعة ٢٠١١ كلية طب جامعة المنصورةمصر.
  • بدأت دراسة الألماني في سنة الإمتياز ٢٠١٢ مابين private courses بالمنصورة و Goethe Institut بالقاهرة وكنت وصلت ل B1.1 وفي اخر الإمتياز سافرت تدريب ٤ شهور Hospitation في Uniklinikum Heidelberg Urologie ولما رجعت كسلت اكمل دراسة اللغة.
  • اتخرجت وبدأت نيابة جراحة كلي ومسالك بولية لمدة أربع سنين (الماجيستير) لكن كان دايما حلم السفر فدماغي واستمريت اول فتره في النيابة فمذاكرة الألماني ولكن مع ضغط الشغل و النبطشيات كسلت اكمل تاني.
  • خلصت فترة النيابة و امتحنت الماجيستير و رجعت اذاكر ألماني تاني مابين Frau Elham و Goethe Institut بالقاهرة.
  • حصلت علي دعوة تدريب تاني لمدة ٦ شهور من Uniklinikum Heidelberg وقدمت بيها علي فيزا Hospitation ولكن تم رفض طلب الفيزا بعد ٥ شهور انتظار والسبب هو طول فترة التدريب (فيزا الهوسبيتيشن اكتر من ٣ شهور حاليا يتم رفضها).
  • رجعت قدمت تاني علي فيزا دراسة اللغه 16b-برلين كانت لسه جديده و تتمتع بنفس مميزات فيزا 17a ولكن بدون ورقة البيشايد.
  • اللينك دا فيه الأوراق المطلوبه لفيزا اللغه 16b :
  • خلال فترات الانتظار مابين رفض الفيزا الاولي و التقديم علي التانية عدت سنه كامله ذاكرت الجزء الأول دكتوراه جراحة الكلي والمسالك البولية و امتحنت و نجحت.
  • جت الفيزا 16b بعد فترة انتظار ٥ شهور اخري كنت ذاكرت B2 وامتحنت Goethe ونجحت من المره التالته (كنت بخرج من الامتحان احجز اللي بعده بشهر علطول علشان لو مانجحتش) ولما نجحت كلمت معهد اللغة فبرلين (Kapitel Zwei) قبل السفر (وبعد صدور الفيزا طبعا) غيرت كورس اللغة ل C1.
  • وصلت برلين شهر اغسطس ٢٠١٨ قدمت اوراقي في اللاجيزو LAGeSo Berlin (مواعيد اللاجيزو اونلاين بعيده جدا بالاربع شهور مثلا فلازم تفضل تحاول اونلاين لغاية ماتلاقي معاد فاضي او معاد حد تاني سابه ويستحسن تبقي حاجز المعاد قبل السفر كمان).
  • اللاجيزو في برلين Landsamt für Gesundheit und Sociales مختلف عن باقي الولايات: في اتنين انتراج واحد للبيروفس ايرلاوبنس Berufserlaubnis و التاني للابروباتسيون Approbation ، الميزه في ولاية برلين ان ممكن تقدم علي ترخيص مزاولة المهنه الطبيه المسمي بيروفس ايرلاوبنس بشهادة الB2 و نظريا ممكن تبدأ تشتغل بيه بس دا نظريا لأن معظم المستشفيات بتطلب الابروباتسيون وخاصه ببرلين (باستثناء حالات معينه لما يبقي في عدد سنين خبرة و Logbook و OP Katalog قوي).
الاوراق المطلوبه للتقديم علي Berufserlaubnis Antrag:
هي نظريا نفس الاوراق المطلوبه للتقديم علي Approbation مع اختلافات بسيطه و موجوده في اللينك دا: https://www.berlin.de/lageso/gesundheit/berufe-im-gesundheitswesen/ausbildung-im-inland/aerztin-arzt/artikel.115951.php
  • وصلني Eingangbestätigung بعد شهر و نصف بالظبط (لكن حاليا وصل الانتظار ل ٣ شهور) ، كنت اعتقد اني هاخده و اقدمه للنقابه لحجز امتحان اللغة الطبية Fachsprachprüfung ولكن اكتشفت ان Eingangbestätigung ل طلب Approbation هو اللي بيتم بيه حجز امتحان الفاخ شبراخ.
  • قدمت الاينجانج دا لمكتب الاجانب Aussländerbehorde لمد الاقامة و تحويل نوع الفيزا من دراسة اللغه 16b الي فيزا الأطباء 17A وحصلت عليها بنفس اليوم وطبعا متطلبات الفيزتين متشابهين مع اختلافين الاول ان فيزا 17A مدتها سنة ونصف ف تحتاج لحساب بنكي مغلق يغطي هذه المدة لكن فيزا 16b مدتها سنة فقط و طبعا التأمين الصحي الالماني (تأمين الطلبة شركة Mawista بيتعمل online ويوصلك PDF بنفس اليوم علي الايميل).
  • قدمت في شهر ١٠/٢٠١٨ علي انتراج Approbation وكانت نفس الاوراق مع اختلافات بسيطه (موجوده علي موقع اللاجيزو) بالاضافه طبعا لتجديد الشهادات ذات الصلاحية(الفيش والتشبيه و حسن السير والسلوك) و خلال المقابله طلبت ان يتم دراسه الملف لل Gleichwertigkeit ، وعموما في برلين عند تقديم الملف لطلب الابروباتسيون يتم دراسته تلقائيا للجلايش داخل برلين (ولا يتم ارسال الاوراق ل Bonn) طالما لم يطلب الطبيب موعد لامتحان المعادلة الألمانية Kenntnisprüfung و من عيوب برلين ان دراسة الملف لا تبدأ فعليا الا بعد النجاح في الFachsprachprüfung.
  • ملف الجلايش:
  • شهادات التخرج و الامتياز و المحتوي العلمي للبكالوريوس الخاص بجامعة المنصورة حوالي ٣٥٠ صفحة و حسن السير و السلوك و تصريح مزاوله المهنه و باقي الاوراق المعروفه.
  • و أهم حاجه هو المحتوي العلمي للبكالوريوس لأن دا اللي غالبا بيبني عليه قرار الجلايش، ومحتوي جامعة المنصورة ينقصه (Geriatrie – palliative Medizin – Schmerztherapie – Anästhesie – Unfallchirurgie( الفروع دي تمت دراستها بالفعل ولكنها غير معنونه بوضوح في المحتوي العلمي ف انا جمعتهم ف محتوي علمي اضافي و اعتمدتمهم من الجامعة و ترجمتهم وقدمتهم مع الملف وعموما النواقص في المحتوي العلمي للبكالريوس يتم تعويضها عادة بسنين الخبرة و المهارات الطبية المكتسبة خلال فترة الماجيستير.
  • شهادة الماجيستير و المحتوي العلمي لماجيستير جراحة الكلي و المسالك البولية جامعة المنصورة و ال Logbook و ال OP Katalog بعدد العمليات خلال فترة الماجيستير و شهادات خبرة ٤ سنين ماجيستير و سنة دكتوراه و شهادات خبره بكورسات طبيه مختلفه علي سبيل المثال basic & advanced life support , Scientific writing & publications وطبعا كل الشهادات العربي تترجم للألماني و الانجليزي لا تترجم.
  • وصل Eingangbestätigung علي Antrag Approbation بعد شهرين، قدمته للنقابه لحجز امتحان Fachsprachprüfung, طلب الامتحان فيه نظريا ثلاث اختيارات: امتحان في اقرب فرصة، امتحان خلال ثلاث شهور، امتحان خلال ٦ شهور، ونظرا للضغط الكبير علي برلين ف كل معاد منهم بيتأخر شهرين كمان.
التحضير لامتحان Fachsprachprüfung في المقام الأول هو عبارة عن التدريب بمستشفي Hospitation لمده شهر او اتنين و يفضل في تخصص الباطنه لأن معظم حالات الامتحان بتبقي باطنه و مذاكرة كتاب Deutsch für ausländische Ärzte und Ärztin وكتاب Schritt für Schritt وبالإضافة الي مذكراتبراء الألوسيوالMedizinische Begriffeالخاصة بكل ولاية وباقي المعلومات موجوده في اللينك دا: https://www.aerztekammer-berlin.de/10arzt/61_Fachsprachpruefung/?fbclid=IwAR0IZmnhlOsAmbbQ2tD46YmmWaUTCTsaWgBPKVoRtUTXegsSUviLLbMeCz4
  • نجحت في Fachsprachprüfung في شهر فبراير ٢٠١٩ (في برلين بتعرف النتيجه بعد الامتحان ب اسبوع عن طريق Email عكس باقي ولايات المانيا بتعرفها وانت خارج من الامتحان) وقدمت الشهادة ل LAGeSo وبدأت دراسة ملف الGleichwertigkeit و تتراوح مدة الدراسة نظريا من ٦٨ شهور عكس باقي الولايات بتبدأ دراسة الملف للجلايش من وقت تقديمه.
  • بعد النجاح في الفاخ شبراخ وصلني ايميل من اللاجيزو ان البيروفس ايرلاوبنس جاهز (نظريا وحسب موقع اللاجيزو يتم اصدار شهاده البيروفس ايرلاوبنس بعد شهرين من التقديم علي الانتراج ولكن عمليا تصدر بعد النجاح في الفاخشبراخ) و محتاجين يعرفوا تاريخ البدأ لأن مدته سنتين فقط خلالهم لازم تبقي حصلت علي المعادلة الابروباتسيون ، كان ردي عليهم هو الانتظار حتي احصل علي وظيفة او حتي وعد عمل علي الاقل Stellenzusage.
  • خلال فتره دراسة الملف اللي استغرقت نظريا من اغسطس ٢٠١٨ الي اكتوبر ٢٠١٩ عملت كذا تدريب Hospitation في تخصصي Urologie في مستشفيات برلين انتهي اخرهم بحصولي علي وظيفه في احد مستشفيات برلين بالبيروفس ايرلاوبنس (معظم رؤساء الاقسام في المانيا غير ملمين بتعقيدات اللاجيزو ف انت محتاج توضحله انك قانونيا من حقك بدايه الشغل علي البيروفس ايرلاوبنس او بتطبع نص القانون الألماني الذي يتيح لك العمل بالبيروفس ايرلاوبنس و تقدمه في مقابلات العمل).
  • خلال سنة الانتظار كنت كل ما اخلص تدريب اخد Empfehlungsbrief من الشيف و ابعته ل اللاجيزو و اي شهادة خبرة اكتسبتها او كورسات طبية ترجمتها و قدمتها مع الملف ، اي شهادة طبية تقدم ل اللاجيزو بتزيد فرصتك في الحصول علي الجلايش و خاصة لو خبرة داخل المانيا.
ملحوظات:
  • طريق الجلايش طويل وممل ومن واقع التجارب السابقه اذا لم يتوفر محتوي علمي للبكالوريوس مع عدد سنوات خبره لاتقل عن ٣ سنوات بمحتوي علمي وLogbook او OP Katalog فمن الأفضل عدم تضييع الوقت في الإنتظار و التقديم مباشرة علي موعد لإمتحان الكينتنيس.
  • اي شهادة مصرية هتتقدم للجلايش لازم تكون مترجمه للألماني و موثقه من السفارة.
  • المحتوي العلمي للبكالريوس (٣٥٠ صفحة) لا يترجم للالمانية ولكن في موظفين بيطلبوا ترجمته لتعجيز الأطباء و إجبارهم علي أخذ موعد Kenntnisprüfung من البداية.
  • الموظف في المانيا دولة، بمعني انه نظريا في نظام ثابت موحد ولكن كل موظف ليه طريقته و نظامه الخاص و ممكن نفس الملف ياخد جلايش عند موظف و موظف تاني لأ ودا حصل فعلا.
  • طريق المانيا طويل وممل جدا لانه مش ثابت ويعتمد علي مزاج الموظفين وخاصة في الولايات الكبيرة ولكن في الأخر كله بيبقي توفيق من ربنا.
  • مازالت برلين برغم تباعد مواعيدها وطول فترات الانتظار من افضل الولايات سواء في الجلايش او امتحان الكينتنس.
  • في كلام ان قريبا سيتم تعميم امتحان المعادلة النظري Staatsexam علي كل الأجانب بكل الولايات.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.