fbpx

طريقة توثيق المستندات لغرض السفر الى المانيا

توثيق المستندات هي من الخطوات المهمة في إجراءات اي شخص راغب في السفر الى المانيا لغرض الدراسة او العمل , مبدأ التوثيق هي عبارة عن سلسلة من الأختام على مستند كل ختم يؤيد ما سبقه والختم الاول ( مصدر الوثيقة ) هو الوحيد الذي يؤيد ما ورد في الورقة , البعض يجد ان عملية التوثيق هي عملية عقيمة ولا فائدة منها وروتين ممل , لكن الواقع , هي حائط صد ضد المزورين الذين ينتهزون اي فرصة لغرض التربح من اجراءات السفر والعمل في المانيا . 

سلسلة توثيق المستندات في اي دولة

سلسلة توثيق المستندات في اي دولة

في هذا المقال سنشرح التوثيق على مصر كونها من أعقد الدول العربية في الروتين 

*الاوراق التي يتم توثيقها بتختلف على حسب الغرض من التوثيق (يعنى التوثيق لفيزا البحث عن العمل ورقها غير التوثيق للفيزا الدراسية)

 

التوثيق لغرض الفيزا الدراسية في المانيا 

  • شهادة الثانوية العامة, هتروح الادارة العامة للامتحانات و عنوانها (16 ش امين سامى متفرع من ش قصر العينى
    معالم الطريق: قريب من مجلة روزاليوسف, السيدة زينب, القاهرة) بتدفع هناك و بيخدوا 5 جنيه زيادة او بتدفع فى البريد حاجة اسمها حواله حكومية و بعدها تروح الادارة و تقدم طلب و تستخرج كشف درجات و و تستنى ساعة و تستلمها.
  • استخرجها بالعربى و بعدها هترجمها للالمانى من أحد المترجمين المعتمدين و دول هتلاقيهم على موقع السفارة و اسعارهم بتبدأ من 150 جنيه
  • مش هينفع حد يستلمها لك الا لو كان أقارب درجة اولى (أب, ام, زوج او ابن) الاخ مش اقارب درجة اولى, بس ممكن اى حد يقدم لك الطلب,
  • شهادة الجامعة و بيانات الدرجات, هتطلع على الكليه بتعتك تقدم طلب بهم الافضل يبقى بالانجليزى و بعد ما بتستلمهم بتروح لأمين عام الجامعة يختمهم لك (فى جامعات الختم ده بفلوس و فى جامعات تانية ببلاش, أسأل فى جامعتك)

 

  • تأخد شهادة الثانوية العامة (عربى + المانى) و تاخد شهادة الجامعة و بيانات الدرجات و تطلع على الخارجية علشان التصديق (التصديق هو ان الخارجية بتأكد للسفارة ان الختام و الإمضاءات الى على الشهادات صحيحة فبالتالي بتختم هى و تقول ان امضاء فولان الفولانى و الى بيشتغل فى الوظيفة الفلانيه صحيح)
  • الورقة الواحدة بتتوثق بــ 11 جنيه
  • هتاخد الشهادات دى و تطلع على ديوان عام الوزارة و عنوانه عمارة ايزيس – 7 ش لاظوغلى – جاردن سيتى علشان تكمل الاختام المطلوبة من السفارة هتقوله لسفارة فى الغالب بيكتب اسم موظف بس
  • تاخد شهاداتك المترجمة و المصدق عليها و تطلع على السفارة كل يوم من 8 صباحا الى 10 صباحا, (و 10 بالدقيقة مبيدخلوش حد و مهما حاولت مش هيدخلوك فانزل بدرى احسن) بتدى لهم الورق و تقول لهم عايز اوثقة بغرض الدراسة و بيدوك ورقة تستلم بها تانى يوم من 10 و نص الى 11 و نص.
  • لو عايز تطلع الخمس نسخ بتروح تصورهم (ابيض و اسود او الوان) بالدبابيس متفكش اى حاجة و ترجع تروح لهم تالت يوم من 8 الى 10 و معاك الاصل الموثق و هيدوك ورقة تستلم رابع يوم
  • ممكن حد يوثق لك و يستلم لك مش لازم انت
  • الخمس نسخ للدراسة و الاصل ببلاش و بيبقى مكتوب عليهم فبلاش فهلوة المصريين علشان مش هتعرف تستخم الورق فى اى حاجة غير للدراسة
  • التويفل او الايلتس مش بيتوثق
  • الmotivational letter و ال CV مش بيتوثقوا
  • الثانوية العامة بيترجم علشان هما مش بيعترفوا بترجمة وزارة التربية و التعليم لكن شهادات الجامعة بالانجليزى عادى علشان بيعترفوا بترجمة التعليم العالى
  • أقرب مترو للسفارة هو الاوبرا, اخرج و اركب تاكسى بيمشى بك 5 دقائق و هياخد حوالى 7 جنيه و هينزلك قدام السفارة


مقاومة الشتاء في المانيا : نصائح فعالة لمقاومة الشتاء في المانيا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.