بالخطوات : الهجرة العشوائية لوتري امريكا 2020 – 2021

السلام عليكم ورحمه الله وبركاته

طبعا كلكم منتظرين الشرح الكامل للتقديم فى الهجره العشوائية لآمريكا 2020، هو الموضوع هيكون طويل شوية ولازم تكون صبور شوية في الشرح يا عم الحاج. يلا بينا

بس ياريت محدش يبعتلى اي اساله على الهجره والتقديم لاني مش هفتح الرسايل ولا هرد على حد واللى عنده اى سؤال يكتب فى البوست وانا هرد عليه علشان الكل يستفاد .. وبالتوفيق للجميع

­

⬅️ اولاً / التعريف بالهجرة لآمريكا

الهجره لامريكا مقدمة من الخارجية الامريكية وبتفتح كل سنه فى شهر اكتوبر وبتستمر لمده 30 يوم من وقت الاعلان عنها وبيختاروا 50 الف فيزا على مستوى العالم وكل دوله ليها حصه من المكسب يعنى بيختاروا من مصر 4800 او 4500 او 4300 وهكذا يعنى كل سنه بيكون فيه حصه محدده لكل دوله في الفوز ولكن الاعداد اللى كتبتها دى بتكون لمصر فقط وهكذا للجزائر والمغرب والمانيا والسودان ده على سبيل المثال، لكن اى دول تانية بيكون ليهم اعداد مختلفه فى الفوز او حصه مختلفه. وانا قولت ليك فوق خليك صبور لان انت بتقدم فى اكتوبر والنتيجه بتظهر فى شهر مايو .. والسفر بيكون فى سنه القرعه يعني القرعه اللى هتشتغل هتكون قرعه سنه 2020 يدينا ويدك العمر .. انت بقى هتسافر فى السنه دي. ولو عايز تعرف اكتر عن التقديم والهجره شرح خطير جداا صوت وصورة https://youtu.be/ayqbjXVHTTQ

­

⬅️ ثانياً / خطوات التقديم علي الهجرة

1- التقديم بيتم من خلال الموقع ده www.dvlottery.state.gov

وهنا الشرح بالتفصيل الممل https://youtu.be/ArWrP_zN1kA

الموقع ده الرسمي من دائرة الهجره فى امريكا يعنى مش اى موقع تسجل فيه، لان هتلاقى مواقع كتيره كلهم غلط او نصابين او بمعني اصح Fake واعلانات ويتبعتلك على الاميل. خلي بالك.

­

2- المطلوب فى التقديم صورة حديثه مقاس 5 ف 5 وحجمها اقل من 240 كيلو بايت، تتصورها فى اى استوديوا وتخدها على فلاشه او ميمورى كارد او على اسطوانه علشان انت هتحتاج تعملها ابلود على الموقع بتاع الهجره وقت التقديم.

­ ­

⬅️ ثالثاً / اسئلة مهمة جدااا والاجابة عليها قبل التقديم

1- شروط التقديم في الهجرة العشوائية لامريكا انك تكون مكمل 12 سنه من التعليم، طيب لو انت اقل من كده يبقى هتحتاج شهاده خبره على الاقل سنتين تتوافق مع قانون العمل الامريكي وده للناس اللى معاها ابتدائى او اعدادي او مش كملت الثانوى او الدبلوم وهتلاقى شرح هنا كامل للجزء ده هنا https://youtu.be/QzhUzAQjqD0

­

2- غير مطلوب يكون معاك لغه او شهاده زى الايلتس او التويفل.

­ ­

3- تعبئة الاستماره باللغه الانجليزية .. علشان ناس كتيره جدااااااااا سالت على الجزء ده، يعني انت مسافر امريكا وبتقدم فى هجره هتملئ الطلب بتاعك بالعربي ازاى يا جدع.

­ ­

4- متحولش تكدب فى اى بيانات وانت بتملئ الاستماره علشان لو فوزت وانت كدبت وحولت تصلح الكدبه دى فى استماره الفوز هتتصلح ولكن لما تدخل السفاره وقت المقابله هتاخد رفض ، على سبيل المثال كان فيه ناس مولوده فى الجزائر وعايشين فى السعوديه ولما قدموا نسوا وكتبوا انهم مولودين فى السعوديه .. ولما حالفهم الحظ وفازوا صححوا الخطا ده فى استماره الفوز وللاسف وقت المقابله اترفضوا والقنصل فكر انهم كدابين.

­ ­

5- كتير ناس بتسألنى احنا فى سنه 2018 وانت بتقول هجره 2020 ازاى ؟

التقديم بيكون لسنه 2020 بس بيكون قبلها بسنه ونص علشان هيه اجراءات ووقت وارقام وفيلم طويل هما مقسمينها كده، #ركز هنا انت بتقدم في شهر اكتوبر فى سنه 2018 وبتنتظر النتيجه فى مايو 2019 وبداية المقابلات للفائزين فى اكتوبر 2019 ونهايه المقابلات 30 سبتمبر 2020.

­ ­

6- وقت التقديم مش لازم يكون معاك باسبور .. بس فيه نقطه مهمه جدااا لازم تكتب اسمك كما مدون فى الباسبور .. وعلشان انت مش معاك باسبور هتعمل اللى هقؤلك عليه .. هتجيب ورقه خارجيه وتكتب اسمك بالانجليش زى ما انت حافظ وبترتيب الحروف اللى بتحبها والاسم ده تكتبه فى استماره التقديم .. طيب انا ليه بقؤلك تكتبه فى روقه خارجيه علشان الورقه دى هتشلها وتحتفظ بيها لما تكسب تروح بيها الجوازات وتقولهم انا عايز نفس الاسم بنفس الحروف فى جواز سفرى .. لان ممكن الموظف يكتب ليك الاسم على مزاجه مع اختلاف الكتابه من شخص لاخر ودى ممكن تسبب ليك مشاكل قدام .. فخلينا نشتغل صح من الاول.

­ ­

7- بالنسبه للاخوة اللى من فلسطين لما يجى يقدموا التوزيع الجغرافى بتاعهم حيكون واحد من التلات اما من غزة او الضفة او سكان إسرائيل فاللى من الضفة الغربية هيختار الاردن واللى من قطاع غزة يختار مصر واللى من فلسطينيو إسرائيل يختار إسرائيل.

­ ­

8- موضوع #الصوره اللى محيره الناس معاك صوره قديمه ينفع تقدم بيها بس الاهم ميكنش ملامح وشك متغيره او تتصور جديده برحتك، وده شرح كامل عن الصوره انا شرحت فيه كل شئ وهتلاقى لينك مخصوص لأمثلة الصورة الصحيحة.

9- يجب توفر جواز سفر لرب الاسرة او المتقدم الفردي و لا يمكن التقديم بدون جواز سفر 

كيفية تعديل صورة الهجرة العشوائية لآمريكا – الجزء الاول

كيفية تعديل صورة الهجرة العشوائية لآمريكا – الجزء الثاني

الامثلة الصحيحة والخاطئة لصوره الهجره

كيفية تعديل الصورة عن طريق برنامج الرسام

­­ ­ ­

9- ممنوع التصوير بالنظاره والتقديم بيها حتى جواز السفر الامريكي الاول كان مسموح بيه الصورة بالنظاره ولكن الكلام ده اتغير تماماً من نوفمبر 2016.

­ ­ ­ ­

10- الناس اللى معاهم اطفال لازم تضيفوا كل الاطفال حتى لو مش عايزنهم يسافروا معاكم لازم تضيفوهم .. ولو عندكم اولاد فوق ال 21 سنه مينفعش تضفوهم وهما شرحين الجزء ده فى استماره التقديم للى بيفهم انجليش هيلاقي الشرح تحت السؤال ولو ضفتوهم القنصل هيرفضهم فى المقابله وده حصل مع كتير .. فريحوا دماغكم وبلاش تضيفوا حد فوق 21 سنه اختصارا للتفكير والفلوس.

­ ­

11- لو ابنك مولود فى امريكا ده باشا البشوات مش هتضيفه فى التقديم لانه اصلا امريكى ومعاه الجنسية والجواز الامريكي.

­ ­

12- بالنسبة للعائلات يعنى زوج وزوجه واولاد لو حد فيكم مش عايز يسافر ورافض مينفعش تقدموا اصلا لان لازم كل الافراد تنضاف فى طلب الهجره ومتقولش اقدم لوحدى سواء انتى او هو لان الموقع بيطلب صورة الزوج والاطفال والبيانات .. الحل فى الجزء ده تقدم سنجل وتسافر لوحدك.

­ ­

13- الشخص اللى متزوج اكتر من زوجه .. الحل انه يقدم بزوجه واحده والاولاد منها غير كده مينفعش .. والافضل تقدم باول زوجه فقط.

­ ­

14- السؤال #السادس وناس كتيره بتسال عليه لو انت مولود فى مصر وعايش فى مصر او مولود فى مصر وعايش فى اى دوله .. هتسيب السؤال زى ماهو ومش هتجاوب عليه، لان التقديم بيعتمد على بلد الميلاد مش الاقامه ولا الجنسية.

­ ­

15- نقطه مهمه كمان انت قدمت ليك ولمراتك ومش ضفت الاولاد وكسبت .. مينفعش تضيف اولادك فى استماره الفوز ولو ضفتهم هتدخل المقابله وهتترفضوا كلكم.

­ ­

16- نقطه مهمه جداااااا لو انت بتقدم فى مكاتب كل سنه ونويت تقدم السنه دى لوحدك ياريت تروح للمكتب افضل علشان ممكن المكتب يقدم ليك لوحده وانت متعرفش يبقى انت هتقدم لوحدك والمكتب هيقدم لوحده ويبقوا كده طلبين هيترفظوا وتخسر فى الهجره.

­ ­

17- الصورة للسيدات والبنات .. عادى جداا تتصوروا بالطرحه ولو عايزين تحطوا ميك اب عادى بس ياريت مش تغيروا ملامحكم علشان لما تتخدلوا السفاره ميكنش فيه فرق واضح. طبعا اى ست بتلبس نقاب لازم تتصور بطرحه. ممننوع النقاب.

­ ­

18- الاطفال الرضع .. متقلقوش من الصوره انتوا بتمسكوهم بأديكم وتصوروا الوش فقط بس وحولوا تفتحوا عنيهم ولو مش عرفتوا عادى جدااا لان دول سنهم صغير ومش مطلوب منهم صوره مواصفات زى الناس الكبيره.

­ ­

19- موضوع الجيش للشباب لو انت عارف انك هتلبس جيش يفضل مش تقدم الا لما تخلص او لو انت عارف انك هتخلض بعد انتهائ الهجره اللى بتخلص فى شهر 9 يبقى مش تقدم اصلا ولكن لو انت اصلا فى الجيش وهتخلص بعد ظهور النتيجه بكام شهر يبقى قدم من الاخر انت اللى تحسب وتعرف تقدم ولا لاء.

­ ­

20- لازم لما تقدم يكون عندك بريد الكتروني او اميل على الياهو او الجميل او الهوت ميل ولو مش عندك ده شرح ازاى تعمل اميل https://youtu.be/ryLJGwZLYNQ

­ ­

21- هتلاقى هنا الاجابة على اهم الاسئلة قبل التقديم من اعضاء الجروب

22- لو عايز تعرف اكتر عن الهجره ممكن تدخل على اللينك ده هتلاقى شروحات كتيره جداااا http://www.youtube.com/c/TravelSquare/videos?sub_confirmation=1

­ ­ ­ ­

23- اما لو عايز تعرف خطوات ما بعد الفوز ادخل هنا

­ ­ ­ ­

24- تكاليف السفر علشان الناس بتسال للشخص العازب محتاج حوالى حوالى 25 الف لحد ما يخلص الاجراءات ويحجز تذكره الطيران وعلى الاقل 2000 دولار معاه فى الفتره الاولى فى امريكا لمده شهر او شهرين فى امريكا لحد ما يمسك شغل. اما الاسره بقى عايز كتير اجمع المبلغ ده على عدد الافراد اللى معاك.

­ ­ ­ ­

25- اخيراً البوست تحت التحديث لو اى سؤال اتسال او معلومه ناقصه انا هزودها فى البوست ده وانتظروا التعليمات بتاعه الهجره فى اول اكتوبر ان شاء الله. لاتنسوني فى الدعاء اخوكم ابراهيم محمد

­من صفحة American Dream

4 comments

      اترك تعليقاً

      لن يتم نشر عنوان بريدك الإلكتروني. الحقول الإلزامية مشار إليها بـ *

      هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.