هجرة الحرفيين الى كندا ( هجرة رسمية)

البوست التاريخي لهجره الحرفيين واصحاب المهن اليدويه لكندا

————————————————————————

.

طريقه الهجره علي اساس انك ” حرفي ” ليها سكتين ف كندا

– السكه الاولي تبع الاكسبريس انتري برنامج اسمه Federal Skilled Trades Program

ودة عكس ال Federal Skilled Workers بتاع المؤهلات العاليه

شروط الهجره ف البرنامج دة للحرفيين ف المُجمل والعموم هي هي مبتختلفش عن المؤهلات العليا .. برضو بنظام النقط والنقط بتاخدها علي عده عوامل زي اللغه وخبره العمل والمؤهل والسن الخ الخ زي الهجره العاديه

ولكن الفرق بس ان هجره الحرفيين الاسكور المطلوب بيكون تحت ال300 نقطه ومفيش فيها بول اول عكس العماله المهره يعني متطلباته اقل بكثييير جدا من متطلبات العماله المهره .. طلبات اقل في اللغه .. طلبات اقل في سكور النقط الاجمالي .. الخ

http://www.cic.gc.ca/english/immigrate/skilled/crs-tool.asp

.——————————————————-

ايه المتطلبات بقي  ؟؟

.

1- وظيفتك تكون مطلوبه في قائمه الوظائف ال ( NOC )

وفي هجره الحرفيين مقسمين الوظائف ل 5 اقسام

-ال Major Group 72 دة خاص بالحاجات الانشائيه زي الكهربائي والحداد والبنائين الخ

– الMajor Group 73 دة خاص بالصيانه وتشغيل المعدات زي ال maintenance and equipment operation trades

– الMajor Group 82 دة خاص بالزراعه وطرق الري والتكرير الخ

-ال Major Group 92 دة خاص بالمشرفين زي مشرفين العمال وخطوط الانتاج والمصانع ومشرفين العمال الخ

– ال Minor Group 632 دة خاص بال طباخين chefs and cooks

– ال Minor Group 633 دة خاص بالجزارين butchers and bakers

 

وعشان تعرف وظيفتك موجودة ولا لأ ف اللينك دة

https://www.canada.ca/en/immigration-refugees-citizenship/services/immigrate-canada/express-entry/eligibility/find-national-occupation-code.html

 

اللجوء الديني في كندا الشروط وطريقة التقديم

2- يكون معاك اثبات انك بتعرف لغه .. يأما أيلتس انجليزي أو تيف فرنساوي

– لو ايلتس يكون سكورك CLB 4 في القرايه والكتابه و CLB 5 في التحدث والاستماع

– لو TEF يكون تجيب ف ال كتابه والقرايه NCLC 4 وفي التحدث والاستماع NCLC 5.

3- يكون معاك سنتين خبرة فى نفس المجال المطلوب من اخر 5 سنين اشتغلتهم بمعدل 30 ساعه اسبوعيا لو full time أو 15 ساعه اسبوعيا part time

باجمالي 1650 ساعه ف السنتين دول

4- اثبات قدره ماليه ف البنك ب 10 الاف دولار كندي للمتقدم الرئيسي و 2000 دولار لكل مرافق معاه

5- عقد عمل لمدة سنه ع الاقل من كندا

أو البديل بتاعها يكون معاك تصريح نقابي من كندا من النقابه ال مهنتك في كندا تابعه ليها ودي عن طريق انك بتسافر سواء سياحه او غيره وتختبر الاختبارات تبع النقابه الخاصه بوظيفتك وتاخد منهم تصريح نقابي للتأهيل المهني

.

وبعد كدة بتعمل بروفايل عادي اكسبريس انتري علي موقع الحكومه الكنديه في CIC ولكن هتدخل ضمن برنامج الحرفيين

——————————————–

طيب يا ابو حميد ازاي اثبت الخبره في حرفتي ال طالبينها دي ؟

لو انت صاحب حرفه وعندك مكان خاص محل جزاره .. محل حداده.. ورشه ميكانيكا سيارات الخ الخ هتقدم السجل التجارى و فواتير العملاء ( بيع و شراء )

لو مجرد شغال ف المكان مش صاحبه هتقدم عقد العمل بتاعك مع برنت التأمينات بتاعك

لو مش متأمن عليك ف الشغل بتروح لمكان اسمه التقييم المهنى و بتجيب ما يثبت إنك تجيد المهنة دى بس دي خليها اخر اختيار لأنها مش اثبات قوي للخبره بس هي اخر اوبشن واوبشن موجود

.

——————————————

طيب انا مؤهل عالي هل ينفع اقدم ع البرنامج دة ولا هيشترطوا مؤهل متوسط او دبلوم ؟؟

لا مش بيشترطوا اي مؤهل دراسي .. قولا واحدا حاسما قاطعا من غير جدال

ولكن لما هتقدم من غير مؤهل متوسط ( الثانويه الفنيه /صناعيه /فندقيه او الدبلوم ) مش هتاخد نقط التعليم وبالتالي الاسكور بتاعك هيقل وهتضطر انك تعوضه عن طريق البنود التانيه زي الايلتس مثلا

.

—————————————

طيب انا مؤهل متوسط عادي ولكن بتشغل ف مجال تاني غير مجال الشهادة .. يعني مثلا انا معايا دبلوم فني لحام وعايز اقدم ع وظيفه طباخ مثلا ينفع ؟

.

ايوة عادي مش شرط المؤهل المتوسط يكون في نفس الحرفه المطلوبه ولكن المهم انه يكون معاك خبره في المهنه المطلوبه دي .. يعني لو انت لحام وعايز تقدم علي وظيفه طباخ لازم يكون معاك خبره في الطبخ .. وضحت النقطه دي

.

—————————————

طيب يا ابو حميد هو لازم اكون دخلت مدرسه ثانويه ودرست 3 ولا 5 سنين صنايع او سياحه وفنادق وبتاع عشان اخد نقط التعليم ال بتقول عليها دي ؟؟

.

لا مش شرط .. لان الدراسه المهنيه بتعتمد علي عدد ساعات الدراسه مش عدد سنين الدراسه

ودي نقطه مهمه جدا جدا .. ممكن تروح اي معهد وليكن زي معهد التشييد والبناء وتاخد كورسات ف المهنه ال هتقدم عليها لمدة 3 شهور او 6 شهور او سنه حسب المجال وتقدمها كأثبات ان معاك شهادة مهنيه في التخصص ال هتقدم عليه

وبكرر الكلام دة مش اجباري ابدا .. النظام دة اصلا مش بيطلب اي شهادات تكون معاك و لكن دة لو عايز تزود النقط بتاعتك وتقوي فرصك ف الحصول علي الدعوة

——————————————-

طيب يا احمد انا معايا شهادة مؤهل حرفيه وعايز استفيد من النقط بتاعتها اعمل ايه بقي ساعتها ؟؟

هتعمل تقييم للشهادة دي سواء ثانوي فني او فندقي او صناعي أو اي دبلومات مهنيه من اي معاهد والتقييم دة اسمه ECA ودة عباره عن انك هتاخد تقرير من احد الهيئات المعترف بيها من هيئه الهجره والجنسيه الكنديه بيفيد ان الدراسه الفنيه والصناعيه دي ال درستها ف بلدك الام دي مساوي لنفس مسار الدراسه الصناعيه او الفنيه في كندا

.

ملحوظه مهمه جدا .. منظمه WES ما بتقيمش المهن دي زي العماله المهره ، كل مقاطعة ليها جهة تقييم منفصله للوظائف trade occupation

————————————————————————–

السكه التانيه وهي هجره المقاطعات ماعدا مقاطعه كيبيك واسهلهم مدينه موردن لمقاطعه مانيتوبا

.

لازم المقاطعة اللي هتقدم عليها تعترف بحرفتك فكل مقاطعة لها شروط منها انك تسافر الاول تحضر كورس في مهنتك ويختبروك عشان يبقى معاك شهادة حرفية تشتغل بيها

.

طيب اعرف منين شروط كل مقاطعة عشان تعترف بالحرفة؟

.

ادخلوا على اللينك ده فيه تفاصيل ولينك كل مقاطعة تدخلوا على المقاطعة اللي عاوزين تقدموا فيها وتشوفوا الشروط ..

https://www.canada.ca/en/immigration-refugees-citizenship/services/immigrate-canada/express-entry/eligibility/skilled-trades.html

.

ودة لينك ل المهن الحرفيه المطلوبه ف كيبيك

http://www.immigration-quebec.gouv.qc.ca/fr/employeurs/embaucher-temporaire/recrutement-haut-salaire/liste-professions/index.html

.

——————————————————————-

لو كل دة منفعش معاك ف مفيش غير ال Back Door للهجره وهي الدراسه

انك تدرس دراسه مهنيه ف كندا وتكون هي طريقك الطويل للاقامه

بس قولت عشان مطولش البوست اكثر من كدة هخلي الكلام عن الحكايه دي في بوست الدراسه لكندا اللي هنزله قريب باذن الله

————————————————

دعواتكم يا شباب .. ربنا يوفقنا ويوفقكم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close