fbpx
محدث الهجرة الى امريكا شرح مفصل ومحدث 2019

محدث : الهجرة الى امريكا : شرح مفصل ومحدث 2019

السلام عليكم ورحمه الله وبركاته 

طبعا كلكم منتظرين الشرح الكامل و الـ محدث للتقديم فى الهجره العشوائية لآمريكا 2020، هو الموضوع هيكون طويل شوية لكنه محدث وفق 2019 ولازم تكون صبور شوية في الشرح يا عم الحاج. يلا بينا 

بس ياريت محدش يبعتلى اي اساله على الهجره والتقديم لاني مش هفتح الرسايل ولا هرد على حد واللى عنده اى سؤال يكتب فى البوست وانا هرد عليه علشان الكل يستفاد .. وبالتوفيق للجميع 

ما هو الـ Credit History وما اهميته لمن يعيش في امريكا

⬅️ اولاً / التعريف بالهجرة لآمريكا 

الهجره لامريكا مقدمة من الخارجية الامريكية وبتفتح كل سنه فى شهر اكتوبر وبتستمر لمده 30 يوم من وقت الاعلان عنها وبيختاروا 50 الف فيزا على مستوى العالم وكل دوله ليها حصه من المكسب يعنى بيختاروا من مصر 4800 او 4500 او 4300 وهكذا يعنى كل سنه بيكون فيه حصه محدده لكل دوله في الفوز ولكن الاعداد اللى كتبتها دى بتكون لمصر فقط وهكذا للجزائر والمغرب والمانيا والسودان ده على سبيل المثال، لكن اى دول تانية بيكون ليهم اعداد مختلفه فى الفوز او حصه مختلفه. وانا قولت ليك فوق خليك صبور لان انت بتقدم فى اكتوبر والنتيجه بتظهر فى شهر مايو .. والسفر بيكون فى سنه القرعه يعني القرعه اللى هتشتغل هتكون قرعه سنه 2020 يدينا ويدك العمر .. انت بقى هتسافر فى السنه دي. 

كل ما يخص الـ كرين كارد او الجرين كارد او Green Card في امريكا

⬅️ ثانياً / خطوات التقديم علي الهجرة 

1- التقديم بيتم من خلال الموقع ده www.dvlottery.state.gov 

الموقع ده الرسمي من دائرة الهجره فى امريكا يعنى مش اى موقع تسجل فيه، لان هتلاقى مواقع كتيره كلهم غلط او نصابين او بمعني اصح Fake واعلانات ويتبعتلك على الاميل. خلي بالك.

2- المطلوب فى التقديم صورة حديثه مقاس 5 ف 5 وحجمها اقل من 240 كيلو بايت، تتصورها فى اى استوديوا وتخدها على فلاشه او ميمورى كارد او على اسطوانه علشان انت هتحتاج تعملها ابلود على الموقع بتاع الهجره وقت التقديم.

⬅️ ثالثاً / اسئلة مهمة جدااا والاجابة عليها قبل التقديم 

1- شروط التقديم في الهجرة العشوائية لامريكا انك تكون مكمل 12 سنه من التعليم، طيب لو انت اقل من كده يبقى هتحتاج شهاده خبره على الاقل سنتين تتوافق مع قانون العمل الامريكي وده للناس اللى معاها ابتدائى او اعدادي او مش كملت الثانوى او الدبلوم 

2- غير مطلوب يكون معاك لغه او شهاده زى الايلتس او التويفل.

3- تعبئة الاستماره باللغه الانجليزية .. علشان ناس كتيره جدااااااااا سالت على الجزء ده، يعني انت مسافر امريكا وبتقدم فى هجره هتملئ الطلب بتاعك بالعربي ازاى يا جدع.

4- متحولش تكدب فى اى بيانات وانت بتملئ الاستماره علشان لو فوزت وانت كدبت وحولت تصلح الكدبه دى فى استماره الفوز هتتصلح ولكن لما تدخل السفاره وقت المقابله هتاخد رفض ، على سبيل المثال كان فيه ناس مولوده فى الجزائر وعايشين فى السعوديه ولما قدموا نسوا وكتبوا انهم مولودين فى السعوديه .. ولما حالفهم الحظ وفازوا صححوا الخطا ده فى استماره الفوز وللاسف وقت المقابله اترفضوا والقنصل فكر انهم كدابين.

تعليق 1

  1. Pingback: بدون مقابل : طريقة التقديم على الهجرة العشوائية الى امريكا – صحيفة العراق الالكترونية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.