كيفية حجز موعد من القنصلية الالمانية في دبي

كيفية حجز موعد من القنصلية الالمانية في دبي

هي الطريقة لحجز موعد من القنصلية الالمانية في دبي و موعد فيزا النوع D (دراسة-عمل-…) و بالتالي بتختلف عن طريقة حجز موعد لفيزا C (شنغن)..

للقنصلية مكتب خارجي اسمو VFS-global بمول الوافي هو المسؤول عن حجز المواعيد نظراً للضغط على القنصلية الالمانية. الموقع الالكتروني:
http://www.vfsglobal-de-ae.com
كيفية حجز الموعد هي كالتالي:

ارسل ايميل الى العنوان Germany.longstay@vfshelpline.com
و فيو المعلومات التالية بالترتيب و باللغة الانكليزية:

[ad id=”1308″]

1) full name.
2) passport number.
3) contact number.
4) email address.
5) purpose of application (visa category D or C)

برقم 5 يفضل كتابة:
Student visa category D.
بعد ما ترسلو الايميل بجيكن الرد بين ١-٥ ايام
الرد بكون مكتوب فيو موعد المقابلة (غالباً عم تكون بعد شهر و احياناً شهرين) و بطلبو منكن تبعتو صورة جواز السفر اول صفحتين و احياناً صورة الاقامة كمان.
قبل الموعد ب ١٠ ايام ببعتولكن رسالة التأكيد و مرفق معها ورقة فيا معلوماتكن هي الورقة بتطبعوها مشان تورجوها للشب المصري برا بالقنصلية مشان يدخلكن. الورقة ضرورية جدا و بدونا ما حدا بيقدر يفوت لجوا عالمقابلة.

ملاحظة: بحق للمتقدم انو يأجل موعد المقابلة لغاية ١٠ ايام قبل المقابلة.. بعدين خلص ما بقا يتأجل الموعد و اذا لاقدر الله الاوراق كانت مو كاملة معناتا رح تضطر تلغي الموعد و تحجز واحد من اول لجديد.

اهم الشي: الي اقامتو صاردة من دبي، الشارقة، راس الخيمة، عجمان، الفجيرة، ام القيوين معناتا لازم يقدم الفيزا من القنصلية الالمانية بدبي.. الي اقامتو من ابوظبي او العين معناتا من السفارة الالمانية ب ابو ظبي.

[ad id=”1308″]

هاد الحكي مبني على تجربة شخصية و بالتالي مو شرط الي صار معي يصير مع غيري بالتفصيل.

نشالله بالتوفيق للجميع و اي حدا بحاجة اي خدمة انا جاهز للرد بالتعليقات..

7 comments

  1. suzi

    الله يجزيك الخير ..ما حكيتلنا عن فيزا البحث عن عمل شو الاوراق المطلوبة بدبي؟

  2. شكرا كتير على هل معلومات بس بدي اسال اذا فيزا لم شمل اي حرف اكتب D ولا C

  3. RRAFAT

    طيب واذا موعد تصديق توقيع مشان وثيقة او استمارة حساب البنك بالمانيا .
    بس انه بغير بدل الفيزا الدراسية وبحط تصديق تواقيع بالانجليزي ؟؟

  4. Najah

    السلام عليكم
    شكرا كتير عالايضاح وانا اتبعت الخطوات .. بس الايميل يلي رح يبعتولنا ياه بس رقم البطاقة ولا مع الموعد؟؟ .. انا بعتولي رقم البطاقة بس من دون الموعد .. فهل استنى ايميل تاني ولا روح عالمركز بوافي مول

  5. noor

    السلام عليكم ..معلش تحاوبني على هالكم سرال انا جوزي بالمانيا ولسا ما اخد لاقامه بس بدي اصدق اوراقي عثد الزواج والبيان العائلي وهي القصص بالسفارة الالمانية وبدي اعرف اديش ممكن تكلفني هلى انا ارسلة ايميل بس نردو علي انا هلى ما بدي ساوي شي غير تصديق واستفسر عن كم شغلة لو سمحتو ساعدوني

  6. كمال حسواني

    اريد اجراء مقابلة لم شمل انا من سوريا ومعي فيزا سياحية الى دبي هل ممكن هذا الامر وماهي الطريقة والاوراق المطلوبة لاجراء الحجز

    • drzmbs

      |Author

      راجع السفارة لان الاجراءات تغيرت ولم تصبح موحدة لكل الدول والجنسيات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *