منحة خاصة للاجئين السوريين

منحة خاصة للاجئين السوريين ولاية بادين في المانيا

منحة Baden-Württemberg الألمانية الخاصة باللاجئين السوريين الموجودين بولاية بادين في المانيا

لدرجة : البكالوريوس و الماستر

الشروط : متل ما ذكرت بالأعلى لاجئين سوريين متواجدين بهي الولاية ولازم يكونوا محققين شروط الي بتسمحلهم للدراسة بجامعات هي الولاية ولازم يكون عمر شهادتهم الأخيرة الي عم يقدموا ع أاساسها للمنحة أقل من 6 سنين

إذا اللاجئ محتاج يعمل سنة تحضيرية (Studienkolleg) ليصير مؤهل للمنحة فما في مشكلة , مستعدين الجماعة يمولوله هالسنة الإضافية

تشجيع خاص للإناث للتقديم لهي المنحة

إذا الشخص مهتم بدراسة الفروع التالية : الطب , الطب البيطري , القانون , الفنون , طب الأسنان , الموسيقى ممكن يقدموا ع المنحة هي بس بشرط يكونوا أولريدي معهم قبول جامعي أو قبول ماستر بهي الأفرع

المنحة تغطي :
تكاليف دورات اللغة الألمانية اللازمة للطالب قبل دخول الجامعة
تكاليف السنة التحضيرية إذا الطالب محتاجها (يعني معدله بالبكالوريا بين ال 60% ل 70% )
راتب شهري 650 يورو لطالب الجامعة لمدة 3 سنين و 750 يورو لطالب الماستر لمدة سنتين
بدل مصاريف دراسية
تأمين صحي

تحت ظروف خاصة ممكن كمان يندفع للطالب بدل إيجار ومصروف أعلى إذا عنده عيلة

المقبولين رح يندعوا لمقابلة بشتوتغارت بآخر شهر آيار 2015

انتهاء التقديم : 17 نيسان 2015

رابط المنحة والمشروح فيه كل التفاصيل :
https://mwk.baden-wuerttemberg.de/fileadmin/redaktion/m-mwk/intern/dateien/pdf/Aktuelle_Ausschreibung/Stipendienprogramm/Ausschreibung_MWK-DAAD_2015-03-19-eng_FINAL.pdf

التقديم حصرا عن طريق البورتال لمنظمة داد من هاد الرابط : https://www.daad.de/deutschland/stipendium/datenbank/en/21148-scholarship-database/?status&origin&subjectGrps&daad&q&page=1&detail=57200570

الأوراق المطلوبة : نفسها الي انطلبت بمنحة داد :
– طلب التقديم
– سيرة ذاتية
– رسالة دافع
– نسخة ورقية عن البرنامج الي حابب تقدم عليه (بس حصرا بهي الولاية )
– شهاداتك كلها مترجمة ومصدقة مع كشوف العلامات للماستر وشهادة البكالوريا للجامعة
اثبات معرفة لغة (يفضل شهادة DSH ألماني( بس إذا ما معك ياها , معك أقل بيمشي الحال لإنه في كورس لغة فيما بعد تحضيري بالمنحة ) ( توفل أو آيلتس للبرامج الانكليزي )
في حال بدك تقدم عالاختصاصات الي ذكرتها بالأعلى متل الطب والموسيقى فلازم ترفق مع أوراقك قبول جامعي من جامعة بهي الولاية
– إذا معك أي شهادة خبرة أو بحث علمي أو مقالة أو أي شي بيدعم وضعك فكمان أرفقها أو معك قبول جامعي بالولاية كمان بيكون أفضل
– صورة عن جواز سفرك (إذا أمكن) و عن اقامتك بألمانيا بهي الولاية

في حال عندك اي استفسار , تواصل معهم ع الايميل : bw-programme@daad.de

بالتوفيق للاجئين السوريين بولاية Baden-Württemberg ويارب ينقبل أكبر عدد ممكن

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *