هجرة المهندسين الى كندا واستراليا ونيوزيلندا

طيب السؤال الاشهر علي الاطلاق انا مهندس عايز اهاجر ابدأ منين ؟؟

لو هنتكلم عن بلاد المهجر ( كندا واستراليا ونيوزيلاندا ) فهما 4 خطوات :

الخطوة الاولي / لازم وظيفتك تكون موجودة في قائمه الوظائف اللي بتنزلها البلاد التلاته ..

قائمه وظائف الاكسبريس انتري لكندا من الموقع دة

https://www.canada.ca/en/immigration-refugees-citizenship/services/immigrate-canada/express-entry/eligibility/find-national-occupation-code.html

.

قائمه وظائف ال skilled migration بتاعه استراليا من الموقع دة

Skilled occupation list Australia 2018

.

قائمه وظائف بتاعه نيوزلاندا من الموقع دة

http://skillshortages.immigration.govt.nz

.

حد يسألني ويقولي يا دكتور احمد ايه موضوع اني ادور علي وظيفتي في القوائم دي ؟؟؟

بص يا معلم .. في فرق بين الوظايف من ناحية المهام الوظيفيه .. بما انك خريج هندسه ف اكيد انت فاهمني

يعني مدني غير عماره غير ميكانيكا غير هندسه طبيه غير اتصالات غير البيوكيميكال الخ الخ

انت بقي بتشوف وظيفتك ايه وتشوف الوظيفه اللي موجوده فالليست ايه وتشوف توصيف الوظيفه عندهم وهل متطابقه (كل/جزء) مع مهامك الوظيفيه وساعتها بتحدد وظيفتك ايه بالظبط اللي هتقدم عليها،

.

.

———————————————————

الخطوة التانيه / تجمع النقط بتاعتك ( نقط عمرك + نقط سنين خبرتك + نقط شهادتك + نقط الزوجه لو متزوج الخ )عشان تدخل السحب وتاخد دعوة من البلاد دي

.

1- هنتكلم عن استراليا :

لازم تجمع كحد ادني 65 نقطه لو هتقدم علي فيزا 189 أو تجمع 60 نقطه لو هتقدم علي فيزا 190

وعشان تفهم كل حاجه عن تجميع النقط وانواع الفيز لأستراليا لازم تقرأ البوست بتاعي دة بالتفصيل .. انا شرحت فيهم كل حاجه عن تجميع النقط .. مفيش خرم ابره عن تجميع النقط مش موجود ف البوست دة

https://www.facebook.com/groups/travelsecretsclub/permalink/1519801854724165/

.

في استراليا حاليا المهندسين أقل سكور عشان تنافس وتاخد دعوة بيكون 75 نقطه علي فيزا 189 و 65 نقطه علي فيزا 190 مع ترشيح الولايه طبعا

.——————

2- هنتكلم عن كندا :

.

نظام الحكم في كندا عبارة عن حاجتين Provincial اللي هو حكم المقاطعة أو الFederal اللي هو الفيدرالي

هنتكلم اولا عن الجزء الفيدرالي : اول حاجة لازم تشوف انت مؤهل ولا لا عن طريق حساب نقاطك

النقط بتتقسم علي 2 بووول يعني قرعتين

البوول الاولانيه لازم تجيب 67 من ١٠٠

بتعتمد علي السن و الدراسة و الخبرة و اللغة ونقط الزوجه لو متزوج والعمل السابق ف كندا لو اشتغلت قبل كدة و المبلغ المادي

والحساب عن طريق الموقع دة

Come to canada tool

https://www.canada.ca/en/immigration-refugees-citizenship/services/come-canada-tool-immigration-express-entry.html

بعدين البوول التانيه بتحسب درجاتك من ١٢٠٠ و الحساب هنا تبع موقع Crs canada

http://www.cic.gc.ca/english/immigrate/skilled/crs-tool.asp

طبعا و انت بتحسب الدرجات هتحط درجات انجليزي اعتباريه لحد ما تمتحن

حطي مثلا 8777

8 in listening

.

لو جبت من 430 ل 450 فيما فوق بيكون فرصتك قويه في هجرة الفيدرال

وطبعا من شروط الاكسبريس انتري انه يكون معاك اثبات 12 الف دولار كندي للفرد الرئيسي المتقدم للفيزا وبيزيد المبلغ المالي دة لكل الافراد المصاحبين معاك سواء زوجه او اولاد

.

لو معرفتش تجيب سكور عالي في الاكسبريس انتري أو مش معاك المبلغ المالي دة فبتعتمد علي ترشيح مقاطعات كنديه وكل مقاطعه وليها شروط منفصله

واكثر مقطاعه عايزة مهندسين هي ساسكتشوان

وعشان تفهم بتفاصيل شامله عن اي هي مقاطعات كندا وانواعها وشروط هجره كل مقاطعه اقرأ الجوجل درايف دة من مطاريد كندا مفيش خرم ابره عن ترشيح المقاطعات مش موجود هنا :

https://drive.google.com/file/d/1qoR1qL7AvAGo2tMpYxN2Y9lrM9YP5ERz/view

.

.

3- هنتكلم عن نيوزيلاندا :

لازم تجيب 100 نقطه ع الاقل عشان تبقي مقبول للهجره و تجيب حاليا 160 نقطه ع الاقل عشان تتم دعوتك وتاخد الدعوة والفيزا

وعشان تعرف تقسيمه وتجميع النقط وتعرف تجمعها من اللينك الجاي دة

http://www.ymsafer.com/Points-Indicator-for-Skilled-Migrant-to-new-zeland

———————————————————————–

.

الخطوة التالثه / تمتحن ايلتس ودي عباره عن شهادة تثبت انك بتعرف تتكلم انجليزي

.

1- سواء ف استراليا او كندا لازم تجيب حد ادني 6666 في الاربع فروع بتوع الامتحان عشان تبقي مقبول في الهجره لكن لو جبت فقط 6666 هتبقي صفر نقط في اللغه

نقطك تبدأ تتحسب كل ما تزيد عن ال 6666 دول وفي كندا خصوصا لو جبت 8777 فيما فوق تاخد اعلي سكور للغه

2- في نيوزيلاندا لازم تجيب 6.5 توتال عشان تبقي مؤهل للهجره

.

وعشان تفهم كل حرف عن الايلتس وانواعه المطلوبه لكل بلد وازاي تجيب الاسكور المطلوب منك في وقت قليل لازم تقرأ البوست بتاعي دة بالتفصيل .. البوست دة عباره عن تجربتي الشخصيه في الايلتس والحمد لله جبت 7777 اكاديميك من اول مرة وخلال مذاكره يومين بس

https://www.facebook.com/groups/1637368469877009/permalink/2003907279889791/

.

.

.

—————————————————————

الخطوة الرابعه / ودي اهم خطوة وهي خطوة معادله شهادتك

ودي معناها انك تخلي بلاد بره يعترفوا بشهادتك المصريه عندهم

التقييم بيكون شامل شهاداتك كليه ولو في دراسات عليا وشهادات خبرتك وطبعا الايلتس

ركز معايا كويس اوي اوي اوي في النقطه دي!

بالنسبه لاستراليا

معادلة المهندسين لاستراليا تبع ال EA :

الجزء الجاي ال انا هتكلم عليه دة يخص التخصصات التاليه

مدني – ميكانيكا – كهرباء – اتصالات والكترونيات – طرق و شبكات – هندسه صناعية – مهندس مواد ( جيولوجي ) – هندسه طبيه

المعادله دي بعد ما بتعملها من وانت في مصر بتسمح لك بالعمل في استراليا مباشرة بعد ما تسافر ..ما عدا ولاية واحدة QLD هي اللي بتطلب رخصة مزاولة مهنة منفصلة بعد المعادله دي

المعادله دي بتتعمل اون لاين .. ملهاش اي امتحان بتمتحنه .. مجرد بتقدم اوراق الخبرة واثباتاتها وبيتم تقديم تقارير بشكل معين اسمها CDR وتقدم معها اوراق اخرى مطلوبة والموقع الرسمي لهم

http://www.engineersaustralia.org.au

كل التفاصيل بالكامل ف الموقع بس اختصارا عشان اعرفكم الشروط العامه

1- شهادة التخرج

2- بيان درجات فقط ( المحتوي العلمي غير مطلوب ابدا ابدا ابدا )

3- شهادة الايلتس

4- شهادات الخبره ليها شروط خاصه جدا هنتكلم عنها تحت

5- ال CV وال CPD

6- ال career episodes عن ٣ مشاريع اشتغلت فيهم

وبتحمل حاجه اسمها بوكليت لما بتعمل اكونت علي EA

https://drive.google.com/file/d/0B3hXLSwzarUYOHpNWlhJdXFsZXM/view

رسوم المعادله زمان قبل يوم 1 سبتمبر لسنه 2018 بدون سنوات الخبرة كانت بتتكلف 765 دولار استرالي والنتيجة تطلع بعد 4 شهور او تقدم فاست تراك وتدفع زيادة 295 دولار استرالي عن المبلغ الاصلي وتطلع بعد شهر او شهر ونص تقريبا ( نظريا 20 يوم بس عمليا شهر ونص )

لكن بعد يوم 1 سبتمبر الحالي حصل زيادة في الرسوم للمعادله فلازم تدخل ع الموقع عشان تعرف الزيادة بقت كام حسب جهه المعادله

.

الاسئله اللي انا متوقع انكم تسألوها علي الجزء دة :

1- ينفع اقدم ورقي وشهادات الخبرة لل EA يعتمدوه قبل ماخلص الايلتس؟

لا مينفعش لان من طلبات تقديم المعادلة تقديم شهادة الايلتس بسكور 6666 او ما يعادله سواء من التويفل او PTE

.

2- ازاي اثبت خبرتي من مصر ومن السعوديه ؟؟

لو من مصر ف اهم حاجه حاجه من اثنين : يا التأمينات يا الضرائب

بتجيب خطاب على ورقة الشركة فيه عنوان الشركة ورقم التليفون بتاعها والايميل والويب سايت بتاعها وتكتب فيه تاريخ بدايه شغلك عندهم وكام درجه وظيفيه اشتغلت فيها عندهم و كنت دوام كامل ولا دوام جزئي ( كام ساعه في الاسبوع يعني ) و مرتبك و رقمك التأميني وبرنت التأمينات وفي الاخر تكتب اسم الشخص المسؤل عن انه يطلعلك شهادة الخبره من الشركه دي و مركزه ايه في الشركه و يوقع بنفسه ويختملك بختم الشركه كمان

ولو مرتبك الشهري اكثر من 12 الف جنيه بتجيب اثبات ( اقرار ) من الضرائب

.

لو انت شغال ف السعودية ف مع شهادة الخبره بالمواصفات المطلوبه

– عقد العمل الموثق من الغرفة التجارية

– التأمينات بتتعمل اون لاين لو خاصة بالاقامة الحالية و من مكتب التامينات لو خاصة بالاقامة السابقة

– ستيكر الفيزا في الجواز مع الاقامة بتاعتك

– حساب بنكي يظهر تحويلات الراتب

.

3- لو انا عندي سنين خبره من كذا وظيفه ومكنش متامن عليا فيهم هعرف اثبت سنين الخبره دي ؟

للاسف..جهة المعادلة تشترط التامينات او الضرائب لاعتماد الخبرات داخل مصر للتأكد من صحة شهادات الخبرة

.

4- انا حديث التخرج ومعنديش خبره وبالتالي مش قادر اجمع النقط .. هل لو عملت ماستر او دبلومه هعوض النقط ؟

الدبلومة والماجيستير مش بتزودك نقاط في استراليا سواء عملتهم في مصر او برة مصر

النقاط بتيجي من 5 حجات للمقيمين خارج استراليا

السن – الخبرة – اللغة – الزوجة – المؤهل

الزوجة تضيف 5 نقاط بشروط ان مهنتها تكون على نفس قائمتك وتجيب 6666 او ما يعادلها وتخلص معادلتها

الخبرة من اول 3 سنوات خبرة تبدا تتحسبلك نقط قبل كدة مينفعش و هتاخد 5 نقاط بتزيد مع زيادة السنين

.

5- السنة دي نزلوا في البوكليت ان حتى ال careee episodes اللي بعد التخرج لازم يكون ليها اثبات توظيف ، طيب منا اكيد معنديش اعمل ايه بقي ؟؟

لو عاوز تعتمدها كسنه خبره لازم اثبات توظيف

انما لو مش عاوز تعتمد الخبرة بس عاوز تكتب عن مشروع اشتغلته بعد التخرج شغل يعني…يبقى لازم تجيب شهادة خبرة من الشغل ده انك كنت شغال من الفترة كذا لكذا بمهنة كذا وخلاص.

.

6- ارخم واصعب حاجه ف الحوار كله وهو ال CDR او ال Competency Demonstration Report نعمله ازاي ؟؟

.

انا جمعتلك 8 فيديوهات ( عربي واجنبي ) فيهم كل خرم ابره عن ال CDR مش هتحتاج تسأل اي حد تاني عن اي حاجه يخص الموضوع دة

1- https://www.youtube.com/watch?v=SskHJaB34xI

2- https://www.youtube.com/watch?v=AlocYQkOEL0

3- https://www.youtube.com/watch?v=iC8-Cl8e5pI

4- https://www.youtube.com/watch?v=ZSvXdwwL9as

5- https://www.youtube.com/watch?v=E7xGSGB4Ado

6- https://www.youtube.com/watch?v=Hzcd5ZVEYUo

7- https://www.youtube.com/watch?v=WCNeDVhrFMk

8- https://www.youtube.com/watch?v=X9NYTUnHKDE

.————————————————————————

معادلة باقي تخصصات هندسه ( عكس التخصصات ال قولتها فوق )

المعماريين لهم جهة معادلة مختلفة اسمها AACA

 

Welcome to AACA

 

 

 

 

 

 

الرسام المعماري و مهندسين الديكور interior designer ليهم جهه تالته مختلفه تماما اسمها vetassess

https://www.vetassess.com.au

.

هندسة الكترونية قسم هندسة حاسبات و مهندسين تقنيه المعلومات ليهم جهه معادله رابعه مختلفه اسمها ACS

https://www.acs.org.au

.

ملحوظه مهمه جدا جدا جدا

وظيفه ال project manager لو في تخصص مدني او معماري هتتقيم تبع ال vetassess لكن لو اي تخصص تاني يبقي هتتقيم تبع ال EA

.

ولازم تفهم ان لا يُعتد بسنين خبرتك الا بعد اعتمادها من احدي جهات الاعتماد دي ، لان ببساطه ممكن يكون عندك خبره مثلا ست سنين وهما يشوفوا انهم اربعه بس طبقا لطبيعة عملك ومهامك الوظيفيه ومعايير تانيه زي مثلا انك لازم تكون شغال على الاقل 20 ساعة فالأسبوع لمدة سنة على الاقل ولمدة تلات شهور للوظيفة الواحدة.،تقدر تعرف كل حاجه بالتفصيل لو دخلت علي موقع اي جهه من التلاته وتشوف طلباتهم وهما كلهم واحد لان في ناس بتقول مكان اسهل من مكان، الكلام ده غلط كلهم معاييرهم واحده ولازم تكون مظبط ورقك كويس جدا علشان يتحسبلك سنين خبرتك بالظبط ومتتظلمش

.

عشان نختصر الحوار للناس اللي بتحب الخلاصه .. ازاي تعادل شهادتك في استراليا ؟

١- تمتحن ايلتس

٢- تقديم المعادلة مع جهه المعادله بتاعتك EA او غيرها

٣- تاخد تقييم ايجابي منهم

٤- تعمل update للمعادلة و الحصول على تقييم ايجابي للمؤهل و الخبرة لو فيه.

٥- تقديم eoi مع ادارة الهجرة و اتمام باقي اجراءات الهجرة.

.

.

بالنسبه لكندا

مش بتعمل معادله قبل ما تهاجر .. يادوب بتعمل تقييم لشهادتك ولما بتسافر بقي انت حر لو عايز تشتغل ف مجالك هتعمل معادله .. لو مش عايز مش هتعمل .. دي حاجه بتاعتك انت ساعتها

فتقييم شهادة المهندسين عن طريق منظمه اسمها WES

Evaluations for Immigration (ECA)

.

 

 

 

 

 

بالنسبة لل WES الموضوع ببساطة هو تقييم لمؤهلك الجامعي فقط ،

بيقولوا حصل تعديلات ع ويس وبقت مبتحتاجش الا بيان درجاتك من الكليه فقط وكمان صورة مش اصل ( فالافضل تدخل ع الموقع وتراسلهم وتشوف بنفسك )

لكن في العادي والظروف العاديه تقييم ويس بيكون كالتالي : بتحتاج من جامعتك أصل كشف درجات مختوم من الجامعة بيحتوي كل المواد المدروسة بالجامعة مع درجات كل مادة + صورة طبق الأصل لشهادتك الجامعية أو مصدقة التخرج ، كل المستندات لازم تكون بالانجلش او مترجمه انجلش عن طريق مترجم معتمد مع وجود الأصل ، بتنحط المستندات بظرف رسمي للجامعة مغلق ومختوم بختم الجامعة وبينكتب عالظرف المعلومات الخاصة فيك على WES (رقم البروفايل )،،، بتاخد الظرف وبترسله DHL على عنوان WES المذكور على موقعهم ،،، بياخدوا وقت حوالي 3 أسابيع ليبعتولك النتيجة عالإيميل ، وحوالي شهرين ليبعتولك التقرير بالبريد العادي.

كندا بتحتاج سنه خبره علي الاقل في المسمي الوظيفي ال هتقدم عليه

ااقل خبره سنه واقل سكور ايلتس جنرال ٦٦٦٦ وكل ما تجيب اعلي في الاستماع والتحدث تاخد نقط اكتر.

الشهادات بتتبعت ومفيش معادله.

.

المعادله بعد ما تروح لكندا

المهندس بيعمل معادله من جهه اسمها APEGS

https://www.apegs.ca/Portal/Pages/Home-Page

ودى بتحدد اذا كان محتاج امتحان بعد مايوصل او لأ…غير ان علشان تشتغل مهندس او professional engineer لازم الاول تشتغل engineer under training مع مهندس محترف لمدة سنتين وبعدين يعملك recommendation علشان تكون PE وده بيسرى على الجميع حتى لو كانت خبرتك بره كندا ٢٠ سنه

.

—————————————————————

بالنسبه لنيوزيلاندا

لازم تعمل معادله قبل ما تسافر زي استراليا

المعادله للمهندسين مع الجهه الجايه دي

https://www.engineeringnz.org/resources/accredited-engineering-qualifications/

فيها كل التفاصيل اللازمه مع الرسوم المطلوبه كمان

——————————————————————-

انا مش مهندس انا دكتور بيطري لكن حاولت علي قد ما اقدر اني اجمعلكم كل نقطه وكل حرف عن هجرتكم وطبعا لو حد عايز يضيف اي حاجه يتفضل طبع

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.