تحضير أوراق معادلة الصيدلة في أمريكا

تحضير أوراق معادلة الصيدلة في أمريكا

الكلام ده تطبعه على ورقة وتمشي عليه واحدة واحدة , دي خلاصةتجربة السنين والتنانين
ملاحظات مهمة قبل ما تكمل قراية:
* الورق ده حيتبعت ل جهتين في امريكا, NABP & ECE,فـحنحتاج ظرفين كبار.
*كله كله بالإنجليزي عشان نترجم حاجات قليلة في الآخر.
* راعي إن اسمك سواء خماسي سداسي يكون مطابق ل اللي موجود في الpassport, يعني وحد اسمك عشان كان عاملي مشكلة.
* أي عنوان حتكتبه على ظرف يا ريت مش بخط اليد, اطبعه على كمبيوتر و الزقه عالظرف من بره.
 
 
 

ستجد هذه المقالة مرة اخرى عندما تبحث بالكلمات التالية : 

 
1- اسم الامتحان: FPGEE واللجنة بتاعته اسمها: FPGEC حتلاقي عالموقع كل المعلومات اللي حتعوزها عن الامتحان
ودة لينك القسم بتاع المعادلة http://www.nabp.net/programs/examination/fpgec
حتلاقي عل موقع الاستمارة بتاعت الامتحان PDF اتطبعها واملاها.
2- إستمارة ال ECE:تعمل account على موقعهم وتملى بياناتك و بردو فالاخر حتطبع الاستمارة دي.
٣- مشواير الكليات: *نروح كلية العلوم عند شئون الطلبة عشان تعمل “بيان بالدرجات” -بالإنجليزي مشعربي طبعا- والمواد اللي خدتها في إعدادي صيدلة
.* ونروح كلية الصيدلة شئون الخريجين في السادس ونطلب بيان الدرجات برده بتاعالأرْبع سنين بالإنجليزي + شهادة مؤقتة بالإنجليزي.
و طبعا ولا واحدة من دول حتخلص في يومها
٤- النقابة: تروح النقابة ومعاك رخصة مزاولة المهنة والكارنيه والشهادةعشان حتعوزتصورهم طول ما انت ماشي -خلي كل حاجة معاك في folder على طول أريّح ^^ – وتقوللهم إنك عايز جواب قيدك في النقابة بالإنجليزي,
طبعا مش فييومها حيخلص بس لما يخلص تأكد من كذا حاجة
 
—> إن الورقة مختومة
—> الظرف مختوم
—> حاطينلك عليه عنوان nabp زي الستيكر كده
 
٥- لما تستلم كل ده, نروح للمترجم/ الموثق المعتمد “notary public” اللي هومحمد السيد – أو بنته تسنيم محمد السيد اللي هي فنفس المكتب وزيه بالضبط بس المفروض ارخص – مكانه شارع قناة السويس عالبحر, عمارة بيضاء,هو الدور الارضي عالشمال.
بالنسبة للتوثيق، عندك:
-إستمارة الامتحان نفسها، في آخرها خالص مكان ما حتكتب اسمك مطلوب إن الموثق يعتمدها “حايمضي تحت اسمك ويختم على صورتك “
– صورة للباسبور بتاعك يختملك عليها انها طبق أصل.
بالنسبة للترجمة:
تقريبا كل حاجة معانا إنجليزي ماعدا رخصة مزاولة المهنة, فـالحاجات الإنجليزي أصلاحنترجم اختامها بس,
ورخصة مزاولة المهنة حنترجمها كلها -كلام واختام – ياخدلهميومين كده.
 
٦- حط الشهادة +بيان درجات إعدادي والأرْبع سنين في ظرف حجمه معقول عشانحتعوز تدخله في أحد الظروف الكبيرة اللي قلتلك عليها فوق خالص, وروح عند الكليةفي شئون الخريجين عشان يختمه و يقفلوه بطريقتهم.
 
٧- نيجي بقى ل ترتيب الظروف:
* الظرف الأول المتوجه للECE يحتوي على:
–> ظرف الكلية
–> ورقة ال ECE
–> شيك بالمبلغ اللي حيقولولك عليه
* الظرف التاني المتوجه للnabp يحتوي على:
–> استمارة الامتحان.
–> ظرف النقابة
–> صورتين شخصيتين زي اللي لزقتها على الاستمارة.
–> صورة الباسبور الموثقة .
–> شيك بمبلغ الإمتحان

2 comments

    اترك تعليقاً

    لن يتم نشر عنوان بريدك الإلكتروني. الحقول الإلزامية مشار إليها بـ *

    هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.