تجربة حقيقية : الحصول على فيزا المانيا ( شينغن ) من بيروت

مكان التقديم : سفارة بيروت
تاريخ التقديم لل فيزا : 10/09/2015
تاريخ الحصول على الفيزا : 06/10/2015
مدة الإنتظار : 26 يوم

انا تخرجت من كلية الهندسة المعمارية في جامعة البعث سنة 2013 بمعدل جيد (70.07) و بعدها توجهت للعمل في لبنان بمكتب هندسي لمدة سنتين و خلال هالفترة حضرت الامور لأخذ الفيزا :
١- اللغة أخدت توفل IBT بالاضافة لل A1 بمعهد جوتة ببيروت
٢- القبول الجامعي راسلت اكتر من جامعة و بالنهاية اجاني من مدينة ديساو قبول ماستر تصميم من Dessau institute of Architecture
التابع ل Anhalt university of applied sciences و الماستر كامل بالانجليزي
٣- فتح حساب مغلق بشباركاسيه أخن بالطريقة المعتادة
٤ – أخذ موعد من سفارة بيروت و كان هالشي كارثي لأنو وراقي جاهزة من نص شهر ٧ و ما قدرت أخد موعد ل ١٠ شهر ٩ يعني قبل ما يبدأ الدوام ب ٢٠ يوم

المقابلة في السفارة :
الموعد كان ١ و نص ما فتت لل ٣ و نص المقابلة كانت سهلة و الموظفة جدا متعاونة، الأوراق يلي قدمتن هني :
ابليكيشن السفارة
لقاح شلل الاطفال
CV
قبول جامعي
تسجيل بالسكن الجامعي التابع للجامعة
حساب المغلق
رسالة الدوافع
شهادة التوفل
وصول حضور مستوى ال A1 بجوتة
شهادة الجامعة
شهادة البكالوريا
كشف علامات
رسائل توصية
شهادة خبرة من شغلي

الأسئلة كانت سهلة متل ليش ألمانيا و مين ساعدك بالاوراق و شو عملت خلال السنتين بعد تخرجك و لحسن حظي و الحمد لله خطرلي قلها للموظفة انو انا متأخر الجامعة بقيانلها ٢٠ يوم و خايف اتأخر قامت قالتلي بدك تأجل قبولك مستحيل قبل شهرين او ٣ قمت قلتلها انو انا قبول نهائي و ليس مشروط مافيني قام قرت القبول و قالتلي دقيقة و اخدت الملف و غابت شي ١٠ دقايق و رجعت و قالتلي انو حكت القنصل و شرحت وضعي و اتفهم القصة و قبل يبعتو مستعجل و ما يتأخر بالسفارة و فعلا و لله الحمد بعد ٢٦ يوم اجاني الرد لاستلام الفيزا

معلومات مفيدة للبعض :
١-حطولي الفيزا عالباسبور و كان بقيان في ٦ اشهر و اسبوع و طلبو اني جددو قبل ما سافر و طنشت و سافرت طبيعي رغم انو صار مدة الباسبور اقل من ٦ اشهر وقت السفر
٢- للمقيمين بلبنان بموجب كفيل لبنان و و خلصت إقامتن لازم اجباري تسوية للسفر بالامن العام قبل الخروج لإنو انا كنت مخالف و كنت عكفيل و بالمطار الامن العام اللبناني رجعوني و ما رضيو ابدا انو يحطولي منع او ادفع غرامة و راحت الطيارة و رجعت بقيت اسبوع عم اشتغل بالتسوية.
٣- يوم استلام الفيزا اخذت اوراقي للتصديق و ارفقت قبول الجامعة حتى ما ادفع و لكن وقت استلمتن ما كانو مصدقين غير شهادة الجامعة ما عرفت ليش

هاي تجربتي بالموضوع باختصار و اي سؤال او استفسار رح رد علي وقت يلي بقدر و ما رح قصر ان شاء الله

2 comments

    اترك تعليقاً

    لن يتم نشر عنوان بريدك الإلكتروني. الحقول الإلزامية مشار إليها بـ *

    هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.