اهلا ومرحبا بكم في المقال الأول من سلسلة مقالات حول المنحة التركية.
أكيد سمعت عنها
وفي ناس كتير بتسأل عن تفاصيلها
يلا بينا نتكلم عن تفاصيلها علشان تكون عارف ومتابع
المنحة فيها جامعات تركية حكومية وخاصة
⬅ التقديم بيفتح امتى 👇
التقديم هيفتح 15/1/2020
هينتهى 20/2/2020
⬅ تفاصيل المنحة التركية لعام 2020 👇
▪التقديم إلكتروني على الموقع الرسمي للمنحة عن طريق سحب الأوراق scanner ورفعها فى الأماكن المخصصة ليها في الــ application
والتسجيل من هنا 👈 https://tbbs.turkiyeburslari.gov.tr
▪المنحة ممولة بالكامل و تغطي مصاريف الدراسة والسكن والسفر وراتب شهري
700 ليرة تركية لطلاب البكالوريوس
950 ليرة تركية لطلاب الماستر
1400 ليرة تركية لطلاب الدكتوراه
3000 ليرة تركية لطلاب البحوث العلمية.
▪شرط السن
– البكالوريوس حتى 21 سنة بحد أقصى
– الماجستيرحتى 30 سنة بحد أقصى
– الدكتوراة حتى 35 سنة بحد أقصى
– البحوث حتى 45 سنة بحد أقصى
⬅ شروط التقديم على المنحة التركية👇
1- الحصول على الثانوية العامة لدراسة البكالوريوس او البكالوريوس لدراسة الماستر ، أو سيتم دراسة الثانوية نهاية العام الدراسي الجاري (التقديم متاح لطلاب الثانوية)
2- الحصول على درجة نجاح كحد أدنى في الثانوية العامة 90% فى حاله التقديم على التخصصات الطبيه وللتخصصات الأخرى 70 %
3- أن لا يكون مسجلا في أي جامعة داخل نطاق تركيا
4- أن لا يكون حاصل على منحة من قبل في تركيا
5- اختبارات دوليه زى GRE/GMAT/SAT اذا كان مطلوب من الجامعه فقط
⬅ المتطلبات 👇
⬅ للبكالوريوس.
(شهادة ثانوية عامه – أو بيان نجاح باخر سنة للطلبة اللي في الثانوية وكشف ببيان الدرجات- الباسبور طبعا علشان السفر وإجراءاته في حال القبول إن شاء الله – خطاب توصيه – صورة شخصيه – صورة البطاقة الشخصية أو الهوية زي ما بتتسمي في بعض الدول – شهادات تطوع ودي بتفرق جدا في القبول للمنحة
(سواء تطوع طلابي أو خيري أو مجتمعي ) واثبات لغة لو هتدرس بالإنجليزية أو هتاخد سنة تحضيري لغة تركية
الــ CV وحاول يكون قوي لأنه بيفرق زي شهادات التطوع
⬅ الماستر
شهادة التخرج بدلا من شهادة الثانوية بشرط استيفاء شرط الـ GPA (75) %
طيب بالنسبة للغة اللي مخوفه الناس ^_^
الايلتس أو التوفل مطلوب – الحقيقة لا في حال هتدرس بالتركي لأنهم هيعلموك اللغة التركية في سنه لكنه بيزيد من فرص القبول ومطلوب في حال اختيارك الدراسة باللغة الإنجليزية
⬅ ما بعد التقديم 👇
▪ بعد التسجيل وتقديم الأوراق بتنتظر أيميل بقبول التقديم وموعد ال Interview طبعا ده بعد الفلترة الأولى للمتقدمين (اللي مبيوصلوش ميل بيكون اتفلتر)
▪ وبعد الـ interviews بيتم فلترة المتقدمين مرة ثانية
أما عن موعد الــ interviews – بتبدأ بعد اغلاق التقديم بحوالي شهر وحسب كل دولة
*** ما بعد الــ interviews ***
▪ بعد الـ interviews بيجيلك القبول النهائى وتبدأ تجهز ورقك للسفر
( باسبور – فيش جنائي – شهادة صحيه – .بيان نجاح وبيان درجات – العقد اللى هيتمضي من السفاره- التأشيره)
* المنحه بتعطى كل التكاليف من سفر وسكن وتأمين صحي طوال فترة المنحة بالاضافه الى مرتب كما هو موضح
⬅ ملاحظات مهمة 👇
▪ خطاب التوصيه يفضل تعمله من مدرستك أو جامعتك ويكون موثق ومختوم ختم رسمي ومن أكثر من مدرس
والأفضل يكون من درجات وظيفية مختلفة (مدرس – مدير – مشرف) وهكذا
– حاول هناك تتعلم اللغة التركية لأنها هتسهل عليك كتير جدا
– ارفع كل الشهادات اللي عندك متحكمش إيه منها مهم وإيه مش مهم
– فى الإنترفيو خلى صوتك واضح – واثق من نفسك – متترددش – خليك واقعي – تجنب التصنع حتى لا يترجم لديهم بالغرور – إتكلم عن إنجازاتك الشخصية ووضح أهدافك اللي دفعتك ليها وإستفادتك منها – مدة المقابلة لا تزيد عن ربع ساعة
– القبول بيعتمد على المقابله بنسبة 90 % فحاول تستغل الفرصة لصالحك
وأخيرا وليس آخرا لينك الموقع الرسمي للمنحة http://www.turkiyeburslari.org
بالنسبة للناس اللى بتسأل عن تفاصيل دقيقة عن إعداد الخطابات و رسالة الدافع والتأهيل في اللغة والتخصصات
تابعونا في بوستات قادمة عن تفاصيل أكتر وتوضيح لأقسام المنحة .
****** وبالتوفيق إن شاء الله ******
اسماء الفائزين في المنحة التركية
