التقديم على الـ UN في تركيا | للعراقيين فقط

هذا الموضوع جداً هام يخص اهلنا الي موجودين حالياً بالعراق وفي نيتهم القدوم الى تركيا من اجل التقدم على المفوضيه UN .. ارجو مشاركة الموضوع لفائدة جميع أهلنا العراقيين
بعد الحجز من العراق اذا عن طريق البري لانعرف ان كان مسدود او مفتوح واذا طياره فتوكل على الله
عند وصولك الى المطار المتكون من 3 طوابق راح تنزل بالطابق الاول بعد ختم الجواز وخروجك من المطار راح اتشوف كدامك باصات كبيره خاصه بالمطار اصعده وهايه راح اجيبك الى الاتوكار ب 8 ليرات يعني 5000 عراقي ولا تاخذ تكسي لانه التكسي اقل شي 80 ليره وهيه المسافه 25 دقيقه عند وصولك الى الاتوكار

[ad id=”1308″]

التقديم على الـ UN في تركيا

. ماهو الاتوكار.س
وهو كراج حافلات للجميع محافظات تركيا ويكون الاتوكار في مركز انقره وقريب على كل المناطق ج
اذا وصلت الصبح بعون الله راح تكدر اتروح للمفوضيه وتاخذ موعد علمود التسجيل
س. كيفيه الوصول الى Un من الاتوكار
ج. عند وصولك الى الاتوكار يوجد شاشات كبيره في تواريخ الرحلات في الطابق الثاني في وسط الاتوكار يوجد مقابيله نفق وهو مخصص للعبور الى الجهه المقابيل للاتوكار اخذ النفق الى النهايه واصعد الدرج راح اتشوف سيارات تكسي بس كله UN راح يكلك عشره ليره وراح ايوصل للباب ال UN
واذا اتحب اخذ تكسي من الاتوكار بدون العبور ايكلف بين 20-25 ليره
راح توصل الى مقر ال Un وراح تلكه ناس واكفه عراقيين وافغان وايرانين راح توكف بسره العراقيين على شباك المفوضيه وراح يشوف جوازك ويسجل اسمك وينطينك موعد حتى تسجل والموعد 5 او 6 اشهر
بعده انته حر اي محافظه تسكن بيه لانه بعدك ممسجل وبالنسبه للنفاذ الفيزه راح ينطوك ال Un ورقه حمايه موقته تضمن حقوق لحين التسجيل
بالنسبه للشباب يوجد فنادق سعر النفر باليوم 25 ليره وهمينه تعتبر غاليهوبالنسبه للعوائل اتكدرون تجون لاي محافظه وطبعا القريبه على انقره مثلا كريكلا تبعد ساعه عن انقره او جنقره او اي محافظه قريبه اتكون ارخص وتكدر اتاجر وتستقر وتشتري اثاث وقتي او اتاجر شقه مفروشه وكله تكون انسب من انقره او حتى ب انقرة بالنسبة للعائلة انقرة افضل
ان شاء الله بهايه الفتره الي كضيته كدرت تستقر وتتعرف على تركيا وقوانينها وصلت لليوم المحدد لك من اجل التسجيل ويوم التسجيل يكون على موعدين الموعد الاول ساعه 9 صباحا والموعد الثاني الساعه 1 ظهرا نفس اليوم ومكتوب باللورقه موعدك
راح تتدخل ال Un وراح اتسلم للامانات كل الاغراض الي شايله مثل موبايلات وجنطه وجكايير ويبقولك بس الملف مالتك وقلم وبهايه الحاله لازم اهمشي اثبت الرقم مالتك بورقه علمود التسجيل او اجيب الكارت مال خط الموبايل مكتوب بيه رقم التلفون
راح تلكه كراسي ومقابله كابينه وراح تاخذ رقم وتنتظر سراك
وصل سراك راح اتسلم الجوازات للموضفه علمود التسجيل وللعلم يحجون عربي وياك راح تاخذ الجوازات واتكلك انتظرر
وبعد فتره راح ينادون عليك وتصعد وياهم انته وعائلتك الى الطابق الثاني
وتكتمل عمليه التسجيل

[ad id=”1308″]
ماهيه اسئله التسجيل

1. مسلم لو مسيحي او ديانه اخرى
2. شيعي او سني
3. ماهيه وضيفتك بالعراق انته وزوجتك
4. شهادتك الدراسيه انته وزوجتك
5. واحتمال 40% يسالوك عن قصتك بشكل مختصر جدا
كيفيه الحصول على المحافظه الي اتريده
1. اذا كان عندك اقرباء درجه اولى اتجيب الكملك مالتهم وياك وبس اتقدمه راسن تنقبل ب محافظه اقربائك من الدرجه الاولى اي ام اخ اخت فقط حتى لو كانت المحافظة مسدودة ينطوكياها .
واخوان غير هايه الطريقه ماكو يعني تحجي وياهم او اجيب عقد ايجار ميفيد الموظف راح ايخيرك بالمحافظات المفتوحه وايكلك انته شتريد يامحافظه انته ااتكلة اريد محافظه فلانية اذا مفتوحه ينطيكياها واذا مسدوده ايكلك اختار غيره
ماهيه المواعيد
1. اذا كنت مسجل في سوريا وعندك ورقه حمايه قدمه واتحصل موعد 2016 او 17
2. اذا لديك قاصر يعني اخ واخو او واحد وحده قاصر يحصل موعد بين 2 ال 6 اشهر3. اذا كان لديك حاله خاصه او مريض او معوق اتحصل موعد قريب بنفس السنه بس جيب وياك تقارير طبية
4. اذا تقديم عادي بغض النظر عن قضيتك 2021 – 2022
بعد التسجيل راح يكون وجودك في تركيا تقريبا شهرين يعني كدرت تتعرف على تركيا وقوانينها وكم احجايه اتمشي امورك بيه
مرحله انه اخذت الورقه مالتك وطلعت من الUN ومتوجه الى محافظتك الجديدة
سوال : ايصير اغير المحافظه الي انطونياها
جواب : ميصير والحجي ميفيد ويه Un بس حاله وحدك اتفيدك اذا عندك اقرباء درجه اولى يعني ام اب اخت اخو تكدر تاخذ الكملك واتغير محافظتك
ويفضل اتسويه بيوم التسجيل
ملاحظه : وهيه حاله نادره انه ينطوك محافظه ورحت بيه وما استقبلوك الامنيات راح ينطوك ورقه ويكلولك ارجع لل Un غير المحافظه
ان شاء الله اتوكلت تتطلع من الUn للاوتوكار ويفضل تبقه يوم تسال على هايه المحافضه وتتعرف على عراقي علمود يساعدك لانه اذا رحت وحدك للمحافضه ومتعرف لغه راح اتخلص افلوسك وانته كلشي ممحصل
الوصول الى محافظه الي انوطكياها الUN
راح توصل بسلامه وادور على شقق وتلكي شقه
سوال: اشكد اسعار الايجارات
جواب : دوار غاز بين 400 الى 600 ليره كل المحافظات تقريباًَ
الفحم بين 200 الى 350 ليره كل المحافظات تقريباً وحسب النظافه
وتامينات الشقه حسب المحافظه والمؤجر
اجرت شقه واستقريت بيه اذا كانت
دوار غاز 1. اتروح تفتح دوار الغاز باسمك تاخذ جوازك و410 ليره تامينات واتروح للدائرت الغاز وهيه معامله بسيطه اتحول الغاز باسمك
2. الكهرباء تكدر اتبقيه باسم صاحب الشقه او اتحوله وتحتاج الى جواز و110 ليره تامينات واتروح للدائره الكهرباء واتحوله باسم
والي شقتة كمور
نفس الاجراءات ماعدى فقره الغاز
ماهو الكمور
الكمور وهو فحم واتخليه بالصوبه على كد استعمالك
ايجابياته
1. رخيص ارخص من الغاز وب اكثر المحافظات الحكومة التركية اجهز الكمور مجانناً
سلبياته
1. ايطلع دخان ومضر بالنسبه للجهال لانه الصوبه بنص البيت ولازم اتخلي بيه فحم وتشعل الفحم راح ايصير دخان ومضر بصحة الاطفال وكبار السن ..
شكراً الكم وان شاء الله التوفيق للجميع …
ويكدرون الشباب يجون للمحافظات القريبه على انقره ويعيشون ويه شباب بشقه انسب واحسن