أنواع التأمين في المانيا

أنواع التأمين في ألمانيا

Contents hide
28 Privathaftpflichtversicherung وده لو انتا كسرت اي حاجة او عيالك كسرو اي حاجة..او تسببت بطريقة مباشرة او غير مباشة في كسر حاجة…بتاع 60 يورو في السنة كده. ليك و لزوجتك.

بسم الله الرحمن الرحيم

 

موضوع التأمين في ألمانيا : 

 تأمين على: سيارة – تأمين محامي (له اربع انواع) – تأميننات اخرى

أليكم تفاصيل مختصرة و سريعة

 اولاً :

تأمين السيارة.

ينقسم الي 3 انواع … عاده(أجباري) ومتوسط و مخصوص

العادي اسمة Kfz-Haftpflichtversicherung و ده لازم تعملو

المتوسط اسمه Teilkasko versicherung و ده عبارة عن العادي و لكن معاه المشاكل اللي ممكن تحصل للعربية نتيجة سوء الاحوال البيئية..شجرة وقعت علي عربيتك…تلج كسر الزجاج و هكذا…هذا النوع لازم تحدد سعر تدفعة لما يحصل مشكله..

مثال: تحدد 150 يورو.selbstbeteiligung …فلو حصل حادث او كده…بتدفع ال 150 و هم يكملوا الباقي .(انتا ممكن تحدد 150 او 300)

النوع المخصوص اسمة Vollkasko versicherung

وده بيبقي هما بيدفعوا كل حاجة لو حصل اي حاجة و بيبقي اغلى واحد…

 ثانياً :

تأمين المحامي

الفكرة اننا في بلد غريبة و مليانة قوانين و المحاميين غاليين جدا..

انواع التأمين اربعة وهي :

1- محامي سيارة Verkehrsrechtschutz

وده لو انتا عملت مشكلة بالسيارة او مثلا عديت اشارة و هيا صافرة بس البلويس بيقول انها كانت حمرا فانتا معاك شاهد فممكن تقوم محامي بكده…

2- محامي العمل.BerufRechtsschutzversicherung

اغلي تامين محامي..لأن قوانين العمل هنا حكاية

3- محامي للمنزل و السكنMietRechtsschutzversicherung او Wohnrecht..

أي مشاكل مع المؤجر او الجار او الهاوسمايستر..

وده تأمين رخيص رخيص..

4- محامي خاص Privat rechschutzversicherung

وده لأي حاجة تاني بقي …في الشارع في اي حتة و هكذا بردو مش غالي..

ملحوظة تأمين المحامي ده ممكن تدخل زوجتك معاك فية و مش بفلوس كتير مبلغ بسيط .

ملحوظة اخرى.. بردو هنا في لو انتا عاوز تدفع مبلغ ثابت مثلا 100 يورو selbstbeteiligung و بعدين التأمين يدفع..او كله علي التأمين.

تامين المحامي بيشتغل بعد 3 شهور من بداية التأمين.

التامين يشمل القضايا و الاستشارات كمان…ربنا مايجيب قضايا.

ملحوظة..التامين بيبقي لمده 3 سنين.. و بينزل كل لما متحتاجش محامي..بعد اول 3 سنوات

 

ثالثاً :

تأمين الكسر او الغلطات في العمل

haftpflichtversicherung و ده بتعملو او المفروض صاحب الشغل يعملهولك عشان لو غلط في عملك طبيا مع المرضي في دواء او حاجة..

Privathaftpflichtversicherung وده لو انتا كسرت اي حاجة او عيالك كسرو اي حاجة..او تسببت بطريقة مباشرة او غير مباشة في كسر حاجة…بتاع 60 يورو في السنة كده. ليك و لزوجتك.

 

في نوع تاني من التأمين الصحي لو جالك حاجة وانتا برة المانيا اسمة Auslandsreise-

Krankenversicherung

نقطة ملهاش علاقة بالتأمين…المعاش..لازم تعمل معاشك تبع نقابة الاطباء و تلغية من المعاش الحكومي العادي befreiung von der gesetzliche rentversicherung

نقطة كمان..في حاجة اسمها معاش خاص Private Rentenversicherung ودي اختيارية لو عاوز تزود معاشك..لان المعاش بيبقي مش ولابد بصراحة…

 

تامين ضد الاخطار اللي ممكن تحدث للمنزل..حريق او مشاكل في المنزل

Haushaltversicherung.

 

تأمين علي لو مش هتقدر تشتغل تاني..يعني مثلا انتا مش عندك محل ولا اي مصدر غير ايدك و عقلك كطبيب

يبقي لو حصللك حاجة لاقدر الله Berufsunfähigkeitsversicherung i

وده انتا مثلا بتدفع مبلغ 50 يورو شهريا…و لو حصللك حاجة و بتبطل شغل بيدولك الف و مية كل شهر

و لو انتا كنت بتدفع 75 يبقي هيدولك 1600 شهريا…وايا كان كنت دافع 50 او 75 مثلا..لما بتحصل الحادثة و مبقتش تعرف تشتغل تاني…يأما يدوك شهري يأما يدوك 600000 Euro

الفكرة انك ياريت تسالو في الموضوع ده عشان في تفاصيل تاني..يعني ساعات يسألو انتا بتدخن؟ و كمان ممكن بعد 20 سنة تأخد جزء من الفلوس-من الفلوس اللي انتا دافعها- لو محصللكش حوادث!!

في نوع من التأمين للسفر لو الحجز اتلغي او انتا لاغيتو لسبب قهري اسة Reiserücktrittsversicherung

ولو الشنط ضاعت اسمة Reisegepäckversicherung

قبل النهاية. يا جماعة في تقريبا ملايين الانواع من التامين..شوف حياتك و شوف اللي يناسبك.

بالتوفيق للجميع

 

متنسوناش من الدعاء ربنا يكرمكوا 

– منقول – 

ملاحظة : ستتم الإجابة فوراً على جميع الاستفسارات والاسئلة مهما كانت , فلا تتردد في السؤال مطلقاً . 

  

 

انواع التأمين في المانيا

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.