البوست التاريخي ل ازاي تجيب عقد عمل في امريكا :
———————————————————————-
اتكلمت قبل كدة عن عقود العمل في استراليا وفيزا ال TSS تقدروا تشوفوا البوست مع بقيه بوستاتي في التوبيكس بتاعتي في الجروب ( بوستات احمد محمد )
اول لما تيجي سيرة عقود العمل او عروض العمل في امريكا بتلاقي الكومنتات المحفوظه بتاعه لازم تكون مجدي يعقوب واحمد زويل مضروبين في الخلاط وتكون عالم نووي فيزيائي موزمبيقي ويكون عندك 10 عيون و 20 رجل و 15 دراع وجاي من كوكب تاني عشان تحصل علي فرصه .. فتعالوا بينا في البوست دة نكسر شويه اصنام من الاصنام اللي صنعتها الناس أما عن جهل غير مقصود أو تضليل مُتعمد منهم
.——————————————————-
طيب فهمني انت يا احمد … ليه امريكا تجيب حد من بره وهما عندهم اكبر علماء ومتخصصين في كل تخصصات الدنيا كلها ؟؟
.
موضوع ان هما عندهم اكبر علماء ومتخصصين ده مش صحيح للاسف
ركز معايا اوي .. دة لينك من المركز القومي الامريكي لأحصائيات التعليم في امريكا .. ودي احصائيه عن عدد خريجي الهاي سكول في 2017 والناس ال دخلوا منهم الجامعه نسبتهم قد ايه
https://nces.ed.gov/fastfacts/display.asp?id=372
وتقدر تعمل سيرش طويل في الموقع عن الاحصائيات لاخر 20 سنه كمان
نسبه خريجين الهاي سكول في امريكا اللي بيكملوا الطريق الجامعي ويدخلوا الجامعات الامريكيه و التخصصات الكبيرة هما 40% فقط من تعداد سكان امريكا اللي هما اكثر من 300 مليون بني ادم
يعني في 60% من الامريكان مكملوش تعليمهم الجامعي ومحصلوش علي شهادة بكالريوس او ماستر واكتفوا بالهاي سكول أو كملوا في ال كوميونتي كوليدج عشان ياخدوا Associate Degree سنه او اتنين ويشتغلوا بيها اسرع ..
ودة بسبب صعوبه الدراسه الجامعيه في امريكا وكمان تكاليفها الغاليه جدا جدا جدا خصوصا للتخصصات الطبيه والهندسيه
عشان كدة امريكا فيها عجز في تخصصات كثير جدا .. وبيحتاجوا سنويا ل انهم يجيبوا ناس من بره امريكا بفيزا عمل اسمها H1B عشان يغطوا جزء من العجز دة .. لانهم اولريدي مبيلاقوش في الامريكان حد مناسب للتخصصات العاليه دي
وحتي لو لقوا حد مناسب جوة امريكا مبيقدرش يغطي كل قطاعات و ولايات امريكا .. بقولك 300 مليون بني ادم و 50 ولايه .. قاره بحالها مش مجرد دوله .. انت متخيل العدد ضخم ازاي ومحتاج خدمات ومتخصصين قد ايه يخدموهم ..
.
ودي مجموعه تقارير مختلفه من مواقع امريكيه بتأكد نفس الكلام ال بقوله :
1- https://nces.ed.gov/fastfacts/display.asp?id=27
2- https://wtop.com/business-finance/2017/04/education-counts-americans-never-smarter/
3- https://www.pbs.org/newshour/education/percentage-americans-college-degrees-rises-paying-degrees-tops-financial-challenges
4- http://www.politifact.com/truth-o-meter/statements/2015/apr/08/rick-santorum/70-americans-dont-have-college-degree-rick-santoru/
5-https://www.nytimes.com/2018/07/11/your-money/student-loan-debt-parents.html
6- https://nces.ed.gov/programs/coe/indicator_ctr.asp
.
.———————————————————————
طيب يا دكتور مهو ممكن يكونوا بيعوضوا النقص دة عن طريق اللوتري واكيد ال 50 الف واحد سنويا اللي بيهاجروا امريكا اكيد منهم عشرات الالاف علماء ومتخصصين بيشتغلوا في مجالهم لما يهاجروا ؟؟
.
الكلام دة برضو مش صحيح .. خد اللينك دة اقراه كويس .. دة عباره عن تقرير موسع عملاها ال CNN عن الاشغال اللي بيشتغلها المهاجرين في امريكا .. نسبه الناس ال بتعادل شهادتها الطبيه او الهندسيه وتشتغل في تخصصها هناك بعد الهجره اقل من نسبه حصول مصر علي كاس العالم 🙂
https://money.cnn.com/2017/03/16/news/economy/immigrant-workers-jobs/index.html
.
ودة لينك من ال The Chopras الغنيه عن التعريف طبعا بتتكلم عن عجز التخصصات في امريكا وانواع التخصصات ال فيها عجز
https://www.thechopras.com/country/usa/skill-shortages.html
.
ودة لينك رسمي تاني علي الوظائف المؤهله للحصول علي فيزا H1B لان فيها عجز عندهم .. هتكتشف ان عندهم عجز رهيب في مختلف التخصصات دكاترة بشريين وبيطريين وصيادله وزراعيين ومهندسين وممرضيين وفيزيائيين وكُتاب ومحامين وتكنيكانز و Web Developers ومبرمجين وHR الخ الخ .. وظائف كتيييير بدرجه مهوله
http://www.h1base.com/content/h1boccupations
————————————————————————-
طيب ماشي يا دوك الحمد لله عرفنا حقيقه عجز التخصصات في امريكا .. ندخل بقي علي المهم وهي ايه حوار فيزا ال H1B دي ؟
.
فيزا ال H1B عباره عن non immigrant visa وفي نفس الوقت عباره عن dual intent visa
.
ايه الكلام دة يا احمد انا مش فاهم حاجه ما تشرح بالعربي ياعم؟
هفهمك .. الفيزا دي مش فيزا هجره ولكن بتسمح بعد فتره انها تكون طريق للهجره .. بمعني .. الفيزا دي فيزا مؤقته مدتها 6 سنوات ( بتتجدد 3 في 3 ) بيقدر من خلالها صاحب العمل الامريكي انه يستقدم ناس عندها شهادات جامعيه وخبرات من خارج امريكا في تخصص هو محتاجه ومش لاقي بدائل متاحه في السوق الامريكي .. بيبعت صاحب العمل معامله ل دائرة الهجره بخصوص الشخص المطلوب استقدامه .. ويملي 2 فورم .. ال Form ETA-9035 و ال Form I-129 وانت بتبعت ورق كثير بيطلب منك وبعد ما المعامله تكمل بتروح السفاره عشان تاخد الفيزا وتسافر .. بتقدر لو حصلت علي الفيزا انك تصطحب زوجتك و اولادك معاك …
ولو اثبتت كفاءه في الشغل و صاحب العمل اتمسك بيك يقدر انه خلال ال 6 سنوات يقدملك علي معامله الجرين كارد .. وبكدة تتحول من فيزا غير مهاجرين ل فيزا مهاجرين ..
.
– الفيزا دي عباره عن لوتري مُصغره بين كل ال معاهم نومينيشنز من شركات ومؤسسات امريكيه .. بتفتح في شهر ابريل من كل سنه من 2 ابريل لغايه 6 ابريل فقط وبيقدم عليها كل سنه حوالي من 170 الف ل 190 الف واحد وبياخدوا منهم 65 الف بني ادم فقط لل regular cap و 20 الف واحد لل Masterُs Exemption
– الاجراءات بتاخد كذا شهر وللاسف خدمه ال premium processing اتوقفت من ابريل 2017 .. اللي هي زمان لو كنت مستعجل كنت بتدفع 1,225 دولار زيادة والاجراءات بتخلص ف خلال 15 يوم .. الخدمه دي اتوقفت الي اجل غير مُسمي
– الورق اللي بيتطلب منك عشان تبعته بتنقسم علي حسب انت موجود في امريكا اولريدي ولا لسه في مصر
واللينك دة بيوضحلك كل المتطلبات بالتفصيل الممل الممل :
https://www.bankbazaar.com/visa/h-1b-visa.html?ck=Y%2BziX71XnZjIM9ZwEflsyDYlRL7gaN4W0xhuJSr9Iq7aMYwRm2IPACTQB2XBBtGG&rc=1
—————————————————————————-
ايه الحلاوه دي يا دوك معقول كل حاجه ورديه كدة مفيش اي خوازيق ابدا ؟؟
لا طبعا فيه خوازيق .. اكبر مشكله بتواجه الناس ال معاهم الفيزا دي هي صعوبه تحوليها ل جرين كارد . ودة بسبب ان عدد الفيز اللي مسموح اصدارها بمختلف انواعها من الكونجرس لدخول امريكا هي 140 الف فيزا في السنه فقط بمختلف الانواع سواء سياحه او دراسه او لم شمل او لوتري الخ الخ
50 الف من ال 140 الف دول محجوزين للوتري ودة عباره عن جرين كارد .. والقانون بيقول ان لا يجوز اعطاء اكثر من 7% فقط من حصه اي دوله من اجمالي عدد الفيز لأمريكا .. يعني بافتراض ان اجمالي الفيز بمختلف انواعها هما 140 الف و مصر حصتها 7% من اجمالي الفيز يعني 9800 فيزا .. منهم 4000 فيزا لوتري ( جرين كارد ) من مصر .. يبقي كدة انت لو مصري ومعاك فيزا H1B وعايز تحولها لجرين كارد بتنافس علي يادوب 5000 فيزا من الاماكن المتاحه كل سنه ودة طبعا رقم قليل .. يارب اكون عرفت افهمكم حقيقه الوضع
يعني الفيزا نفسها الحصول عليها سهل مش صعب .. الصعوبه انك تحولها لأقامه دائمه ( جرين كارد ) بعد كدة
كل التفاصيل تقدروا تعرفوها من اللينك دة
USCIS News : H1B 2019 Lottery Completed – 190,098 Petitions Filed
.———————————————————————
طيب يا احمد مهو عشان اوصل لمرحله ان شركه امريكيه تعرض عليا عرض عمل محتاج اكون احمد زويل اكيد عشان المنافسه مع كل جنسيات العالم !
لا برضه دي فكره مغلوطه عند العرب فقط لانهم اساتذه الهبد والرزع والهري
انا عندي علاقه كبيرة مع Victoria Palusaar اللي هي ال Senior Brand Manager بتاع شركه AbbVie الامريكيه وبكلمها باستمرار وفي مره سألتها هل لازم اكون Over Qualified عشان الاقي فرصه في امريكا .. ردت وقالتلي بالحرف :
When you get a job offer in Usa , it does not mean that you are better than all Doctors currently in USA
It Just means that you are better than all candidates that The Hospital interviewed for that position , out of the thousands of available positions Hospital hasn’t been able to fill due to the lack of qualified Doctors ..
يعني مش شرط تكون احمد زويل واحسن من كل البشر اللي علي الكوكب عشان تجيب عرض عمل .. الفكره كلها ان مؤهلاتك تكون احسن من اللي هيتقدموا معاك عشان يشغلوا نفس الوظيفه .. ودة طبيعي يعني مهو لازم ال cv بتاعك يكون محترم وكويس .. مش هيجيبوا واحد بصمجي يعني اكيد
.
لكن برضو الصعوبه في الحوار كله مش في مؤهلاتك انت .. الصعوبه انك تلاقي شركه أو مؤسسه علي رأي الامريكان ( Fight for you ) عشان تخلصلك الورق
————————————————————————–
طيب تمام فهمت يا دكتور احمد .. اعمل ايه بقي عشان الاقي سبونسر يFight for me ويديني عرض عمل ؟
بص عشان تفهم حقيقه التوظيف في امريكا اقرأ الكلام ال هكتبه دة كويس .. هي حلقه متصله من 3 حاجات صاحب الشغل الامريكي بيدور عليهم في المتقدمين :
1- ال Local Reference
2- ال Local Experience
3- ال language
هما عاوزين reference من جوة امريكا ، يعني شركه مثلا اشتغلت فيها جوة امريكا يقدروا يرجعولها عشان يعرفوا انت كنت عامل معاهم ايه .. ده اللي يهمهم ، مش بيدوروا فقط علي واحد عندة خبرة جوة امريكا ،،
يعني من الاخر بيدوروا علي Local Reference مش Local Experience
هتقولي وايه الفرق بين الاثنين ؟؟؟ لااااااااا تفرق كثير اوي ،، لان ممكن انت يكون عندك CV بيل جيتس وخبره 500 سنه جوة امريكا بس تكون مطلع عين اهل المديرين بتوعك وبتضربهم بالشبشب .. ممكن يكون معاك CV مجدي يعقوب ومعاك خبره 500 مليار شهر في مهنتك جوة امريكا بس تكون حرامي ومتحرش .. فالموضوع مش Local Experience قد ماهو Local Reference عنك وعن شغلك وعن طريقتك في الشغل جوة امريكا في الاماكن ال اشتغلت فيها قبل كدة في امريكا
عشان ابسطهالك زي بالضبط موضوع الايجار في امريكا ،، اول مرة مش بيرضي حد يأجرلك لو اوفيس او شركة ماسكة بيوت ،، لكن لما بتاجر مثلا عند ناس او تقعد مع حد وتكتب اسمك علي الليز ،،، بتبقي مصدر ثقه و بعد مدة خلاص بيكون في هيستوري لك في موضوع الايجار وانك ماشي كويس بدون مشاكل وتعرف بعدها تاجر لوحدك في اي مكان ..
————————————————————–
يا عم احمد انت كدة عقدتهالي اكثر!! منا هجيب الريفرينس دة منين ؟؟
.
زي ما قولت يا معلم قبل كدة في بوست استراليا ان في ناس طول عمرهم فرصهم وحظوظهم اكبر من ناس تانيه في الحياه .. ودي تقسيمه وتوزيع الارزاق
.
ازاي ناس حظوظهم اكبر من ناس مش فاهم .. اديني امثله كدة يا محاميحو ؟
1- في ناس معاهم فيزا دراسه وتأشيره F-1 .. فعنده كذا فرصه عشان يعمل ريفرينس وخبره
اولا اثناء الدراسه : في الشغل كبارت تايم اثناء الدراسه بتصريح العمل المؤقت وممكن تعرض عليهم انك تشتغل for free كأنك بتتدرب خلال سنين الدراسه
ثانيا بعد ما تخلص الدراسه : بتاخد تصريح عمل بيتيح ليك إقامة مؤقتة لمدة سنة فيما يسمى بال
OPT
Optional Practical Training
وتقدر تشتغل في مجال متعلق باللي درسته
السنة دي ممكن تتمد سنتين كمان بحيث يبقى إجمالي ٣ سنين لو مجال الدراسة في الماسترز او الدكتوراه .. خصوصا تخصصات الطب والهندسه و علوم تكنولوجيا هندسة أو رياضيات
STEM
Science Technology Engineering Mathematics
وده بيكون معروف من الأول من خلال كود البرنامج اللي موجود في استمارة ال I-20
وبكدة سهل جدا انك تعمل ريفرينس وlocal experience بكذا طريقه
.
2- ناس شغاله في مصر في شركات و مؤسسات مالتي ناشونال ليها فروع كثير في امريكا ( خصوصا شركات الادويه و المبرمجين ) وبيروح بعثات مستمره ل USA وعامل شبكه علاقات واسعه وبقي خبره في السوق الامريكي اهو دة فرصته انه يجيب سبونسر اسهل من شرب المياه
.
.
3- في ناس معاهم فيزا سياحه وسافروا بيها وعادلوا شهادتهم .. وبقوا دكاترة او مهندسين معتمدين ومترخصين من امريكا .. وبيقدموا نفسهم ك volunteering وبيعملوا انترفيوهات كثيرة وهما هناك .. اغلب اللي بيعادل شهادته ومعاه سنين خبره والانجليزي بتاعه كويس + معاه علاقات تقيله ،، بيقدر ينافس ويحصل علي فرصه في اماكن محترمه ،، لكن اللي الانجلش بتاعه وحش وسنين خبرته وعلاقاته قليله اكيد مش حيقدر يلاقي فرصه لان الموضوع بقي Competitive جدا من كل الجنسيات في العالم
.
وفي غيرها من ملايين الامثله
.
طيب افرض انت معندكش اي حاجه وابيض ميح وحظك في الدنيا قليل ؟؟
يبقي معندكش غير انك تتابع المواقع دي ودي اكبر مواقع توظيف في امريكا كلها : :
Robert Half. …
CareerBuilder. …
Job.com. …
TheLadders. …
Glassdoor. …
Monster.
وتعمل سي في وتحاول تراسل المؤسسات وتعمل انترفيو معاهم وربنا يوفقك
.
علي فكره قسما بالله في ناس عايشه في امريكا متعرفش المواقع دي وكل ال يعرفوه عن مواقع التوظيف هو LinkedIn و Indeed وعايشين في مياه المخلل بس خلي الطابق مستور
.——————————————————————–
طيب يا احمد هل لو انا عملت كل دة هحصل علي فرصه بسهوله ؟
.
في فرق شااااااااسع بين السعي وبين ال Results .. يعني ممكن تعمل كل ال بقوله دة وفي الاخر متلاقيش شغل برضه .. لان ربنا مش رايدلك تعيش هناك .. لكن ال انا بقوله دة اسمه الأخذ بالاسباب والسعي .. يارب نفهم الفرق بين السعي وبين النتيجه .. وان عدم حصولك علي نتيجه تُشبع رغباتك مش دليل علي نفي فكره السعي من اساسها
.
————————————————————-
ناس كثير بتسألني انت بتعمل كل دة ليه ؟ ايه الهدف يعني ؟ يعني عشان تعمل بوست مُبسط بالشكل دة وتتخيل كل الاسئله المتوقعه انك تتسألها وتجاوب عليها في خيالك الاول وبعدين تعمل سيناريو و حوار وتكتبه بالشكل ال قدامنا دة وتجمع اللينكات دي كلها وتنزلها .. ليه ؟؟ ايه السبب ؟ ايه ال هتستفيده ؟
.
الاجابه ببساطه عشان مش عايزك تتعب زي منا تعبت .. انا عشان اوصل للمرحله ال انت شايفها دي من المعرفه والمعلومات طلع ميتين اهلي في 3 سنين كاملين .. وقابلت ناس من اوسخ البني ادمين ف الحياه وكل همهم انهم يضللوك و يوقعوك
مش عايزك تبدأ من الاول .. عايزك تكمل من بعد ما انا وصلت .. سيبك من مُحدثين النعمه اللي بمجرد ما بيوصلوا يقولك اتعب زي ما انا تعبت وميرضاش يقولك ع المعلومه عشان يخليك تتسحل زي ماهو اتسحل .. دول ناس محدثين نعمه فكك منهم .. العالم كله بيمشي علي مقوله ( ابدأ من حيث انتهي الاخرين ) الا المصريين طبعا يقولك اتفشخ زي منا اتفشخت عشان يرضي يديلك المعلومه دة لو ادهالك كامله اصلا .. انا بقي عايزك تمشي من بعد ما انا وقفت مش العكس
.
البوست الجاي هتكلم عن عقود العمل في كندا وعموما قولولي في الكومنتات عايزين انهي بلد اتكلم عن عقود العمل بتاعتها
.
اخيرا لو حد منكم استفاد اي حاجه من اللي انا كاتبه دة .. يبقي يدعيلي دعوة حلوة النهاردة ف وقفه عرفه كدة
مع تحيات محاميحو للسفر الداخلي والخارجي وبلطيم
