رخصة مساعد صيدلاني في أمريكا 2019

عن رخصة العمل كـ مساعد صيدلاني  .. Pharmacy tech  تفيد طلاب الصيدلة ، الأشخاص الذين يعادلون ، اللي يعجبهم يشتغلون بصيدلية.. يحتاج لغة هالشغل .. لغرض التواصل ومعرفة الأدوية.. و شهادة اعدادية اكو عدة طرق حتى تقدرون تحصلون رخصة العمل .. راح اسولف وياكم عن طريقتين..

تحضير أوراق معادلة الصيدلة في أمريكا

الطريقة الأولى لتصبح مساعد صيدلاني في أمريكا

اولاً مساعد الصيدلاني، هو شخص يملي الادوية ، بصيدلية يكون او بمستشفى ..
الشغل طبيعته : وكفة ، و الشخص يجمع الادوية من اماكن مختلفة بداخل الصيدلية ، و يمليها لمرضى معينين ..
الراتب : راح يعتمد على المكان مال شغل والولاية ، و خبرة الشخص .. اعتماداً على موقع الBls راتب مساعد الصيدلاني من ١٠$ -١٥$
____
الطريقة الاولى هي انه واحد يقرا بالبيت. عن طريق كتاب ، اكو عدة كتب .. و امتحانات تحضيرية .. الكتب راح تختلف اسعارها..
تتوفر على الـ Amazon او المكتبات العادية..
هواية يرشحون كتاب
Pharmacy Technician Certification Examination
Book by James J. Mizner
لان يغطي كل المادة..
الامتحان سعره ١٢٩ $

مطلوب شهادة اعدادية و تحجزوه عن طريق موقع الPTCB الاصلي ..
و تروحون تمتحنون .. من تنجحون تحصلون رخصة العمل..
——-
الامتحان عبارة عن
1. اسماء ادوية .. اسماء الGeneric ، والbrand name
2. مسائل رياضية .. بسيطة مثل هذا الدواء واصفيه لمريض ، واصفين ٩٠ حباية ل ٣٠ يوم كم حباية باليوم المريض المفروض ياخذ؟؟ هيج اشياء
3. قوانين عن الولايات ..

معادلة الشهادة في مصر

 طريقة ثانية تصيرون مساعد صيدلاني بيها …

وهي:
اكو معاهد و دورات كوميونتي كولج توفر برنامج الفارمسي تكنشن Pharmacy tech او مساعد الصيدلاني ..
–هاي المعاهد تركز على الامتحان للحصول على رخصة العمل — يعني هي دورة مدتها تطول ممكن ٦ اشهر ، او ٨ اشهر، او سنة.. (تختلف من مكان للثاني)
و من بعد متخصصون الدورة تروحون تمتحنون.. من تنجحون تحصلون رخصة العمل
——
هاي الدورات مو مجانية بالعادة (بفلوس)
يعني اكو كليات الدورة يمهم ب١٢ ألف دولار ، مكان ثاني ب ٢٣ الف دولار..
وممكن تاخذون المبلغ كـ قرض و تسددها بعد التخرج..
*بعض الكليات ممكن جزء من المبلغ عليكم ، و جزء ثاني من الحكومة (الفايننشال ايد) ..
——-
شلون تلكون اقرب كلية يمكم توفر الاختصاص ؟
Pharmacy tech certificate class near واسم مدينكم
شنو الشهادة اللي تحصلوها من هالدورة ؟
Certification سرتفكت
بعض الكليات توفر شهادة ام سنتين Associate degree (قليل كلش) ..
——-
نجي عن الحقائق:
١) من نجي نقارن القرض بالراتب بعد التخرج ف هو مبلغ مو قليل ابداً.
يعني الراتب ١٠-١٥ دولار للساعة.
والقرض ممكن يوصل ٢٧ الف ويا الفوائد .

٢) الدورة فقط مخصصة للناس اللي يحتاجوها هي مو شرط حتى الواحد يحصل رخصة العمل..
يعني ممكن الواحد عنده شهادة اعدادية يقرا بالبيت ، او يروح لدورة مو مهم.

(ممكن تتأكدون من البورد اوف فارمسي.. ٣) سواء رحتوا للدورة او قريتوا بالبيت الراتب نفس الشي.
وممكن تتأكدون من كلامي من اقرب صيدلية يمكم.
—-
القرار الاخير الكم و اني فقط ردت اوضح بصدق..
بالتوفيق